სირიის სამთავრობო ძალებმა ალეპო დატოვეს

სირიის სამთავრობო ძალებმა ალეპო დატოვეს მას შემდეგ, რაც მეამბოხეებმა ქალაქზე თითქმის სრული კონტროლი მოიპოვეს. ოთხშაბათს დაჯგუფება „ჰაიატ თაჰრირ ალ-შამის“ მიერ დაწყებული იერიშის შემდეგ, საბრძოლო მოქმედებებში 300-ზე მეტი ადამიანი, მათ შორის 20-მდე მშვიდობიანი მოქალაქე დაიღუპა. მათთან ერთად იბრძვიან თურქეთის მხარდაჭერით მოსარგებლე სირიის გამათავისუფლებელი ძალები. ისინი ამ დროისთვის ალეპოს, ქალაქის აეროპორტსა და გარშემო არსებულ დასახლებებს აკონტროლებენ. მეამბოხეების მიერ დაკავებული პოზიციები შაბათს რუსეთის ავიაციამ დაბომბა, რაც 2016 წლის შემდეგ პირველად მოხდა. პრეზიდენტმა ბაშარ ასადმა ქვეყნის ტერიტორიული მთლიანობისა და სტაბილურობის დაცვის პირობა დადო.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.