117 أخزيا والنار الإلهية - سفر الملوك الثاني - حق وحقيقي
Автор: Living Bread الخبز الحي
Загружено: 2021-08-25
Просмотров: 410
مات أخآب أشر ملوك اسرائيل وملك مكانه ابنه أخزيا.. لكنه ماتعلمش أي درس من حياة أبوه الشريرة وموته قتيل في الحرب بسبب عناده وعدم طاعته لله .. وعشان كده مات أخزيا وهو مشلول على سريره وملحقش يتمتع بالمملكة.. كمل معانا الحلقة دي عشان نشوف ملك مافرقش كتير عن أبوه
الرب يسوع وبخ يعقوب ويوحنا لأنهم ماقدروش يميزوا قصد الله في وقتهم .. لأن وقت مجئ الرب يسوع الأول ده وتجسده كان وقت انه يتمم الرب يسوع خلاص البشر من خلال موته كبديل عن الخطاة في الصليب .. بديل عن كل المؤمنين .. وهو بنفسه اللي اتحمل الغضب الإلهي اللي بتقتضيه قداسة الله كعقاب عادل على الخطية .. وعشان كده هو جه عشان يخلص الناس مش يهلكهم .. لسة وقت الهلاك جاي .. وكأنه دلوقتي في مجيئه الأول زي ذبيحة إيليا على جبل الكرمل.. اللي هتنزل عليها النار الإلهية.. لكن لسة في مجيئه الثاني اللي هايجي لسة في المستقبل هايكون زي الملك المصاحب لإيليا اللي أمره انه يقول ان تنزل النار من السما كعلامة الهلاك ..
في مجئ المسيح التاني هايجي كالملك المنتصر والديان العادي وهايجري الدينونة على كل البشر بسبب خطاياهم .. وكل اللي رفض ذبيحته على الصليب هيعاقب بشده على خطاياه وهايتواجه هو نفسه مع نار قداسة الله اللي مش بترحم أبدًا الخطاة ..
الله استجاب مرتين لإيليا ان تنزل نار من السما .. مرة على جبل الكرمل لما نزلت النار على الذبيحة .. ومرة لما نزلت وأكلت اللي بيتحدوا الله ويهينوا ممثله إيليا ..
وفي مجئ الرب يسوع الأول نزلت نار قداسة الله على جسد الرب يسوع المعلق على الصليب عشان تلتهمه في صورة موته وضعفه المعلق على الصليب كممثل ونائب للخطاة .. عشان يكون البديل .. وكل اللي يؤمن بيه ينال غفران خطاياه ويرد للحياة مع الله ..
لكن هايجي يوم وهاتنزل نار الله تاني .. لما ييجي المسيح الديان العادل ويدين كل اللي لم يقبلوه على خطاياهم ..
الرسالة ليك النهاردة .. ماتقسيش قلبك زي أخزيا وتعيش حياة عاجزة ومشلولة بسبب الخطية .. ماتطلبش حد تاني غير الله المعلن في الكتاب المقدس .. اقبل الخلاص اللي بيقدمهولك .. قبل ما يفوت الأوان وتتقابل بس مع قداسة الله والهلاك الأبدي .. لسة باب التوبة مفتوح لقبول المسيح .. والإيمان بيه .. اقبل وأرجع .. آمين
ماتنساش تشترك في صفحتنا على الفيسبوك:
/ livingbreadlearning
وكمان تزور موقعنا الالكتروني:
https://www.livingbread-eg.org
أضغط على الرابط دة للاشتراك في القناة وعشان تشوف باقي الفيديوهات
/ @livingbreadeg
وممكن كمان تتابعنا على الانستجرام من هنا:
/ livingbreadlearning
اهلا بيك في خدمة الخبز الحي
#حق_وحقيقي #الكتاب_المقدس #سفر_الملوك_الثاني
music from: bensound.com
Доступные форматы для скачивания:
Скачать видео mp4
-
Информация по загрузке:
