نجوم الشتاء - جمعان الحارثي (حصرياً) 2025

نجوم الشتاء 2025

اوبريت حفل :
فارس بن مسفر بن طيران الاسمري

كلمات الشاعر :
ظافر بن شريان

كلمات الشاعر :
عبدالعزيز بن زميم

اداء المنشد :
جمعان الحارثي





كلمات الشيله :


1 الشاعر عبدالعزيز بن زميم :

سرا الليل لا طلّاب حاجة ولا مطلوب
ولا عارف نوم الهنا مثل خلق الله

معي هم من ذمّته تملك حقوق شعوب
و معي طربة اللي رد دينه على حلّه

لا جلجلت صوتي قام صوب يحاكي صوب
ولسولفت فالتاريخ مد الجبل ظله

تواريخنا منها جميد الظلام يذوب
وأساميّنا اللي تعقد المجد وتحلّه

حن الاد بلسمر هل الموطن المهيوب
نجول و نحول و ما حد غيرنا حلّه

يوم ان المناقش بالنمش والحرَب والذوب
لنا كلمة تأكل كلام العرب كله

يوم ان الليالي زاد علقم ومنهل شوب
لنا موطن طلّابة الخير تندّله

حن إغاثة المدرك ، وحن فزعة المذنوب
وحن اشهر قبيلة بالكرم .. والكريم الله


————————————————————————


2 الشاعر ظافر بن شريان :

وليما هجدنا سُربة جيشهم مركوب
ثنينا لهم بالردّ والشمس في القُله

ولاحن نحلّ الا على سكةّ ودروب
واهل مرحبا يوم الشلي تِعجزه دلّه

وحنا هل الماجوب في ساقة الماجوب
ولانحسب المخسور كثره ولا قله

نرحب وبشت الفقر من قسوته مقلوب
زمانٍ مضى واليوم عادات وإجبلّه

نقول أرحبوا ياللي لفى حفلنا المنصوب
نقول ارحبوا والصوت نثنيه ونشله

هلا مرحبا ترحيبة جمرها مشبوب
تراحيب ابن طيران والقيف والحلّه

بإسم فارس اللي في علوم الوفاء محسوب
واسم بوه مسفر والنواميس طبعٍ له

هذا فارس اللي خوته مابها عذروب
ومن لايعرف المقدية جعله إفدلّه

يافارس ليا مني عن الشعر جيت اتوب
حدتني معاريف الرياجيل للمِلّه

ونجوم الشتاء اللي تشعف البزّل أم النوب
الين إتّهادر وتغدي كنّها الهِلّه

شعفني هواها يوم جاني بعض مكتوب
وانا اللي يروس اعتى الشواهيق ويهلّه

حريصٍ على شان ابن عمي بلا مندوب
لو ازلّ شينان الرياجيل ما ازلّه

حصان القرايح يا بني عمّنا مشعوب
ولاني بأقول إن ذا جفيرٍ وذا سله