ახალი 12 | აზერბაიჯანელები გარეჯში | 16.06.12

გარეჯის უდაბნოს მონასტრის ტერიტორიაზე აზერბაიჯანელი მესაზღვრეები ისევ გამოჩნდნენ. აზერბაიჯანელებს გარეჯის უდაბნოს მონასტრის ტერიტორია დაახლოებით 2 კვირის წინ უნდა დაეტოვებინათ. დავით გარეჯის კომპლექსთან დაკავშირებით აზერბაიჯანულმა და ქართულმა მხარეებმა შეთანხმებას 20 მაისს მიაღწიეს. მაშინ შინაგან საქმეთა სამინისტროს ანალიტიკური სამსახურის უფროსმა შოთა უტიაშვილმა განაცხადა, რომ ჩიკაგოში საქართველოსა და აზერბაიჯანის პრეზიდენტების შეხვედრისას, პირველმა პირებმა ამ საკითხის მოგვარება, სასაზღვრო უწყებების ხელმძღვანელებს დაავალეს. მისივე ინფორმაციით, გაიმართა ასევე შეხვედრა საქართველოს სასაზღვრო პოლიციის ხელმძღვანელ ზაზა გოგავასა და მის აზერბაიჯანელ კოლეგას შორის. ისინი შეთანხმდნენ, რომ სამონასტრო კომპლექსის მთელ ტერიტორიაზე, როგორც საქართველოს მოქალაქეებს, ისე უცხოელ ტურისტებს, დაუბრკოლებლად შეუშვებდნენ.