រឿងភូមិតិរច្ឆានៈ ចំណុចសំខាន់ខ្លះៗនៃវប្បធម៌ខ្មែរដែលឆ្លុះបញ្ចាំងក្នុងរឿង

Please subscribe for watch more videos:    / @from-here-from-there  
វប្បធម៌ខ្មែរក្នុងរឿងភូមិតិរច្ឆាន
១. ជីវភាពរស់នៅ៖ តាំងពីដើមរហូតដល់បច្ចុប្បន្ន ប្រជាជនប្រកបរបរកសិកម្ម ក្រៅពីនេះ ពួកគេឆ្លៀតធ្វើការងារផ្សេងៗដូចជា ស្រីៗត្បាញល្អី កញ្ជើរ ជាដើម។ ប្រុសៗឡើងត្នោត ហើយអ្នកខ្លះធ្វើក្អមឆ្នាំង សម្រាប់រកប្រាក់កម្រៃបន្ថែម។ អ្នករស់នៅតាមទន្ល គេប្រកបរបរនេសាទ ដាំឈូក និងឪឡឹក។
២.ការគោរពជំនឿ ៖ យើងសង្កេតឃើញចំណុចនេះត្រង់ ពេលពួកបារាំងកេណ្ឌខ្មែរទៅធ្វើទ័ព ជួយច្បាំងនឹងអាល្លឺម៉ង់។ ពេលកេណ្ឌបានគ្រប់ចំនួន បារាំងបាននាំពួកទាហានទាំងនោះទៅស្នាក់នៅក្នុងព្រះវិហារព្រះកែវមរកដ ដើម្បីហាត់វិធីយុទ្ធសាស្រ្តខ្លះៗ មុនធ្វើដំណើរចេញទៅ។ ក្នុងពេលនោះមានហេតុភេទអាក្រក់ ដោយមានរន្ទះបាញ់ចេតិយព្រះកែវមរកដ។
៣.ការរៀបចំពិធីបុណ្យតាមបែបពុទ្ធសាសនា ៖ តាមព្រះរាជប្រកាស ដែលឡាយព្រះហស្ថលេខាដោយព្រះបាទស៊ីសុវត្ថិ ចុះថ្ងៃទី ២៧ មេសា ១៩២៥ ដែលបង្គាប់ឲ្យហៅឈ្មោះភូមិក្រាំងលាវថា ភូមិតិរច្ឆាន និងឱ្យប្រជាជនត្រូវសាងសង់ចេតិយមួយឆ្លាក់ឈ្មោះបារដេស ហើយជារៀងរាល់ឆ្នាំ នៅថ្ងៃ ១៨ មេសា ប្រជាជនត្រូវធ្វើបុណ្យរំលឹកពីបទឧក្រិដ្ឋនេះ មិនអាចអាក់ខានឡើយក្នុងរយៈពេល១០ឆ្នាំ ដោយនិមន្តព្រះសង្ឃ១០០អង្គបង្សុកូលរាប់បាត្រឧទ្ទិសកុសលដល់លោកបារដេស។ ចំណុចនេះបង្ហាញឱ្យឃើញថា ប្រជាជនខ្មែររាប់តាំងពីព្រះមហាក្សត្ររហូតដល់រាស្រ្តសាមញ្ញ តែងតែគោរពតាមកិច្ចពិធីដែលតែងធ្វើពេលមានមនុស្សស្លាប់ ដូចជាធ្វើចេតិយសម្រាប់តម្កល់ធាតុ និងធ្វើបុណ្យតាមបែបពុទ្ធសាសនាដើម្បីឧទ្ទិសកុសលដល់អ្នកស្លាប់។
៤.ការស្តីដណ្តឹង និងរៀបអាពាហ៍ពិពាហ៍ ៖ តាមរយៈតួអង្គសុវណ្ណ និងនាងតន់ យើងឃើញមានពិធីចូលស្តីដណ្តឹង ដើម្បីរៀបការជាគូអនាគត តែអ្នកទាំងពីរមិនបានរៀបការទេ ដោយសារជីវភាពខ្វះខាត និងពេលវេលាមិនអនុគ្រោះ។

នៅក្នុងឆាណែលនេះ យើងនឹងបង្ហាញបងប្អូនអំពីរបៀបអនុវត្តវប្បធម៌ និងជីវភាពរស់នៅ នៃជនជាតិខ្មែរ និងជនជាតិដទៃទៀត។ ម្យ៉ាងទៀត យើងនឹងបង្ហាញពីប្រវត្តិសាស្រ្តខ្លីៗ របស់ខ្មែរ និងជនជាតិផ្សេងៗផងដែរ។
In this channel we will show you how to apply the culture and way of life of Cambodians and other ethnic groups. In addition, we will present a brief history of Khmer and other ethnic groups.