ខ្មាស់អស់បក្សា - លោក អ៊ឹង ណារី | Kmas Os Baksa - Ung nary

ចម្រៀងមួយបទនេះគឺជាប្រវត្តិស្នេហាពិតរបស់ លោក គង្គ ប៊ុនឈឿន ។
លោក គង្គ ប៊ុនឈឿង មានស្រុកកំណើតនៅភូមិ ចំការសំរោង នាខេត្តបាត់ដំបង។ ក្នុងពេលដែលលោកទំនេរពីការសិក្សាលោកតែងតែជួយបេះបន្លែម្ដាយរបស់លោក និងជួយយកបន្លែទៅលក់នៅផ្សារ។ នៅតាមផ្លូវដែលលោកយកបន្លែទៅលក់ ក៏ដូចជានៅតាមផ្លូវដែលលោកធ្វើដំណើរទៅរៀន គឺលោកតែងតែដើរកាត់ផ្ទះនារីម្នាក់ដែលលោកបានលួចស្រលាញ់ ក្រោយមកនារីម្នាក់នោះក៏ស្រលាញ់លោក គង្គ ប៊ុនឈឿន វិញផងដែរ។ នៅក្នុងកំឡុងពេលនោះលោក គង្គ ប៊ុនឈឿន ក៏បានឆ្លាប់ធ្វើជាទៅឃ្វាលគោនៅខាងក្រោយផ្ទះនារីម្នាក់នោះទៀតផង។ បន្ទាប់មកចំណងស្នេហានៃអ្នកទាំងពីរក៏បានកើតឡើង ហើយអ្នកទាំងពីរបានស្បថស្បែរនឹងគ្នាថា "ពេលណាលោក គង្គ ប៊ុនឈឿន មានការងារធ្វើ លោកនឹងទៅចូលស្ដីដណ្ដឹងនារីម្នាក់នោះ" ក៏ប៉ុន្តែលោក គង្គ ប៊ុនឈឿន គឺជាកូនអ្នកក្រ ហើយនារីម្នាក់នោះស្ថិតក្នុងគ្រួសារដែលជីវភាពល្អប្រសើរជាងលោក ទើបគ្រួសាររបស់នារីម្នាក់នោះ បានលើកនារីម្នាក់នោះឲ្យទៅអ្នកផ្សេងដែលនៅភូមិជាមួយគ្នា ដោយគេមានជីវភាពធូរធាជាងលោក គង្គ ប៊ុនឈឿន។ ដូច្នេះទើបធ្វើលោក គង្គ ប៊ុនឈឿនធ្លាក់ខ្លួនឈឺ និងបានទៅសំរាកព្យាបាលនៅពេទ្យធំ ពេលនោះលោក គង្គ ប៊ុនឈឿន បានឮសំឡេងចាប់យំនៅមាត់បង្អួច ធ្វើឲ្យលោកស្រណោះខ្លួន ហើយលោកក៏តែងចម្រៀងមួយបទនេះឡើង។
-------------
ស្រាវជ្រាវដោយ ៖ លោក សេង តារា