2025年4月3日立法會會議就"優化輸入人力措施"議案辯論龍漢標議員發言

主席，我認為今日我哋所辯論的不單係輸入勞工嘅議題，而係我哋點先至可以幫香港保持競爭力。喺香港做生意成本貴，勞動力供應不足，人口結構高齡化係不爭嘅事實。如果我們還不果斷優化輸入人力的措施，香港將如何發展新質生產力，如何增強競爭力，我吔如何可以在芸芸對手中脫穎而出？

根據政府《2023年人力推算》報告，2028年人力供求差額達18萬人，建造業更是九個關鍵產業中的重災區，空缺高達四萬五千至五萬五千個。建造業議會的人力預測報告預計，建造業在專才、技術人員及工友各個層面都出現嚴重人手短缺，至2027年短缺會超過四萬人。香港建造商會最新的勞工需求調查亦發現，最缺乏人手的兩個工種，釘板同紮鐵，短缺高達兩成!

咁係咪無輸入勞工嘅配額呢？唔係! 政府的建造業輸入勞工計劃首六輪累計批出配額接近一萬個。不過，建造業輸入勞工計劃主要係適用於公營合約，換句話講，要等到喺公務工程手指罅漏些少出嚟，私人工程先至有望受惠，否則我們仍然要在搶工人，趕進度，高成本的情況之下經營。我促請當局馬上清除建造業輸入勞工計劃中所有對私營工程設下的關卡，包括撤銷特定工種範圍，放寬外勞住宿安排限制，容許輸入勞工跟着承建商走，免得承建商每次都要為佢其他嘅工程合約重新申請一次。其實，既然政府各審批部門都已經掌握未來公私營工程嘅數據，咁係唔係應該走在需求前面，未雨綢繆，與業界和建造業議會就所需勞工數量和工種作前瞻性嘅規劃，制定輸入人力配額? 只有提高輸入勞工計劃的靈活性，調動已來港的人力資源配合項目進度，先至能夠為公私營工程提速提效，降低成本，令香港重拾競爭力。

主席，原動議建議檢討輸入勞工嘅工資不得少於香港相關職位嘅工資中位數嘅規定，顏汶羽議員嘅修正案將這項建議刪除，連檢討都唔去做，等於係自廢武功，因此我係無法支持嘅。

我們必須通盤考慮香港經濟發展嘅需要去制定勞工政策。確保本地勞工就業固然係重要，但係我哋同時都要降低成本，維持競爭力。如果外勞的市場薪金水平遠低於中位數，而當局仍硬性規定僱主必須支付不低於中位數嘅工資，無疑係逼使僱主的成本上升。因此我建議當局必須放寬有關規定，根據供求關係調整工資標準。

主席，我謹此陳辭，支持邵家輝議員嘅原議案及李鎮強議員嘅修正案。

#立法會會議 #優化輸入人力措施
#立法會 #立法會議員 #地產及建造界 #龍漢標