عتاب الموت | سيد حسين المالكي | ذكرى استشهاد الامام الصادق ع | ١٤٤٦ هـ - 2025 م

عتاب الموت

ذكرى استشهاد الامام الصادق عليه السلام ١٤٤٦

السيد حسين المالكي
الشاعر حسين سهوان

مونتاج
جعفر عبدالله
نجم اليقين للإنتاج الفني

الهندسة الصوتية
جرح الحسين

المخطوطة
السيد حيدر البراهيم

إنتاج
اللجنة الاعلامية
تجمع شباب الامام الحسين ع


يهدى ثواب هذا المجلس المبارك
الى روح ابن الموكب الشاب مؤيد عبدالكريم الحمدان

و إلى ارواح الشباب السعداء خدام اهم البيت
احمد عبدالكريم الحمدان
هيثم واصل العثمان
مصطفى الباذر
يوسف البحراني




كلمات القصيدة :

عندي اليوم ليكم خطاب
بي للموت أكبر عتاب
صعب الموت و أصعب فَگِد
عالأحباب فگد الشباب

عندي اليوم وگفة دمع
چم من شاب بي ننفجع
و ال يدفن خَيّه ابتُربْ
چن كسروا منّه ضلع

بس يا موت بس يا قدر / گلبي انجرح چم مرة
بس يا موت لا اتجي بعد / تاخذ أخو للحفرة
چم من شاب مثل الورد / خادم وفي للعترة
ليه تشتاگ عين الفجر / و اتحرمه من هالنظرة

المگابر تِحمل آمال - للسكنها و أسئلة
لو حچى البيها ابألم گال - و المدامع سايلة
كان ودّي ابخدمة الآل - و الله أوصل كربله
و من بعد ما أدّي لاعمال - هالدفن أتقبله

و گبر ينادي ابلا هوادة
و الدمع يشرح مراده
ليش أنا موتي في داري
كنت أريد أحظى الشهادة - يبچي و الدمع دم

****

و اللي يدفن بالترب أهله - شللي يشرح حزنه و يفصله
كل ما تِغْمُض عينه باشواقه - يلگى صورة خَيّه متمثلة

ذكرياته ابكل أثر - و كل ما طيفه بيها مر
ترجع ابعينه الصور - و بَلْ الصور من دمعه
و الذي عنده حبيب - حتى لو ميت تريب
ابگلبه حاضر ما يغيب - ابكل نبضة چنه ايرجعه

يللي تجهل هذي لاسرار - الحب في الگلب نار - أبد ما تنطفي
قاعدة بس عند الأحباب - الدفن ما يعني لغياب - للگلب الوفي

إفهموا اليوم المثل - هذا مو حب الغزل
هذا حب أهل العمل - يسكن ابهوى الروح
هذا حب أهل السماء - للنبي و الأولياء
حب يعلمنه الوفاء - كل مه نبچي و ننوح

***

و الفگد منكم محب يبچي لأمره
كل محب گضّى العمر يخدم للعترة
خفف اعليك الألم من تذكر امره
من يزوره ابهيبته المولى في گبره

هذي العقيدة بالإيمان متجذرة
إسمع و جدِّد عهدك في كل مرة
يا خادم بالحب للمذهب و العترة
باچر في المحشر تشفع ليك الزهرة

كل محب يوم المحشر - يوگف ابنهر الكوثر - يرتوي من كف حيدر - ماي و حب و إيمان
و الله لو ما يسگيني - بس اتصد شخصه عيني - نظرة منه تكفيني - مظهر القرآن

***

جعفري عهدي / و گلبي صبر - حاشا يا ظالم / لا ما انكسر
لو يگطعوني / و دمي نهر - موقفي صامد / مثل الحجر

ثابت اعله عهدي - و كل خطوة توفي وعدي
گلبي بس يتاني - رجعت إمامي المهدي
شيعة الهداية - ما تتبع الغواية
جعفرية نبگى - ابخط عترة الولاية

من جعفر - درس الولاية
حتى لو ندفن أحبة ابظل نزيف الدم
مه ايهزنا - فگد الأحبة
و كل شهيد اندفنه هم من صبره نتعلم