ელარჯი Elarji
Автор: Shinauruli -homemade easy recipes
Загружено: 20 мая 2021 г.
Просмотров: 7 044 просмотра
✔️ელარჯი
📺 ვიდეორეცეპტი - • ელარჯი Elarji
განსაკუთრებით ღომის მოყვარულებს უყვართ ელარჯი. რა ჯობია ბლომად ახალ გადაზელილ სულუგუნს ღომში და თან მასში ჩაზელილს, როცა ღომშივე სულუგუნდება ყველი და იზილება ?!
ამიტომაც ელარჯისთვის ჭყინტი ყველის არჩევა საკმაოდ რთულია , განსაკუთრებით ქალაქში. სოფლებში ადვილია, ჭყინტ ყველს გარკვეული დროის შემდეგ სინჯავენ ვარგისია თუ არა სასულუგუნედ , ანუ კარგად იწელება თუ არა. ამისთვის ცხელ წყალში აგდებენ პატარა ნაჭერს და თუ კარგად გაიწელა, გადაიზილა ხელში და კარგი სრიალა , პრიალა სულუგუნის ბურთულა მივიღეთ, ყველი მზადაა ელარჯისთვის თუ გებჟალიისთვის, თუნდაც სულუგუნის გასაკეთებლად.
ქალაქში რთულია იპოვო ასეთი ყველი, ამიტომაც ხშირად ახალი სულუგუნით ამზადებენ ხოლმე.
მე გამიმართლა და შემხვდა ასეთი ყველი, არა მარტო მე , ჩემი გებჟალიისა და ელარჯის დეგუსტატორებსაც გაუმართლათ. 🤗
როცა აღმოვაჩინე რომ სასულუგუნე ყველია, არც ვაციე, არც ვაცხელე, გებჟალიაც მოვამზადე, რომლის ლინკია • გებჟალია Gebzhalia
და აი უკვე ელარჯმაც არ დააყოვნა.
მაშ ასე მოვამზადოთ ღომი. გარეცხილ ღერღილს დავასხათ წყალი და დროდადრო მორევით მოვხარშოთ ღერღილი . კარგად უნდა მოიხარშოს, შემდეგ მას დავაყაროთ სიმინდის ფქვილი ( აუცილებლად გაცრილი წვრილ საცერზე, რომ ელარჯი იყოს ქათქათა თეთრი) და შევაზილოთ კარგად ,როგორც წესი და რიგია. ღომის რეცეპტი • ღომი პიტნიანი ყველით, ნადუღითა და სულ...
ღომი ვშუშოთ დაახლოებით 10-15 წთ და შემდეგ დავაყაროთ თხელ ნაჭრებად დაჭრილი სასულუგუნე ჭყინტი ყველი ან ახალი სულუგუნი. ვამატებთ მარილს და გადმოვიღებთ ცეცხლიდან.
ცხელ ღომში ავზილოთ ყველის ნაჭრები, რომლებიც თანდათან ლღვება და იწელება ღომში, ელარჯი უნდა იყოს ერთგვაროვანი მასა, რომელშიც ყველი თანაბრად გაიწელება და არ იქნება ჩაუხარშავი ყველის ნაჭრები.
ასეთი კარგად ჩაზელილი ელარჯი იწელება და საკმაოდ ძნელი გადმოსაღებია. ხშირად სამზარეულოს მაკრატლითაც მიწევს მოჭრა, რომ თეფშზე დაიდოს.
ელარჯს სჭირდება ღომის რაოდენობის ნახევარი ( ან შეიძლება მეტიც კი ) ყველი , თუმცა ასეთი ელარჯი ფრთხილი მისართმევია . უგემრიელესი გამოვიდა, ჩემი სტუმრების ხშირი თხოვნაა ხოლმე ელარჯი და მეც ძალიან მიყვარს.
☑️ მეტი რეცეპტების სანახავად გადადით ⤵️⤵️
➡️იუთუბზე
https://bit.ly/3FL42ok
➡️ფეისბუკზე
/ shin2975
➡️ინსტაგრამზე
/ shinauruli
Доступные форматы для скачивания:
Скачать видео mp4
-
Информация по загрузке:
