شيلة ظفير العز || اداء عبدالله البرازي || كلمات عابد القحطاني
Автор: ريشة للمونتاج
Загружено: 2025-06-22
Просмотров: 124
كلمات الشيله :
________________________
ماتقلط الجزله وغر الهواجيس
الا على روس ٍ تروس البقيه
واليوم ياناصر حفيد الاشاويس
تقلط لك ونار النواميس حيه
وابياتي اللي مانضمها بن فطيس
تاقف لك اجلال وتدق التحيه
ياضابط الميدان عذب المغاريس
علق نجوم العز يابو الحميه
ضافي متونك ماعليها وساويس
مرقاب للنجمه ومنوه عتيه
ولبسك لملبوس الفخر موب تلبيس
فعايلك من قبل لبسه جريه
كان الفعايل والمواقف مقاييس
للعز والنوماس والمقدريه
لاصبت دلال الفخر والنومايس
فنجالها الاول لك ابه اولويه
اسمى القيم في طيب فعلك ملاميس
قرم وشهم مدات كفك نديه
عليك ياناصر لو املا القراطيس
بالمدح نفسك عن مديحي غنيه
انت الرفيق اللي خصومي مناحيس
اليا زهمته فالليال العصيه
من وقفتك ترجع وهي تلعن ابليس
واليا اصملت راحت على ايدك ضحيه
يانسل من يجلي عماس المعاميس
شلف الخوي فالليله الابجليه
كفه مثل غيم ٍ خذته النسانيس
مزنه على كل البقاع ابرديه
جابر ابوك اللي وراه العساعيس
ماشافوا الا الطيب ولا سميه
لو ان غيره (غير) خلف الكواليس
ماغيرته ايامه الجرهديه
عمانك بعين المعادي كوابيس
مافيهم اللي دارس درب الرديه
وخوالك اللي يطلقون المحابيس
دون الكرامه ياردون المنيه
وربعك مقابيس الليال المقابيس
العزوه اللي تحتمي كل هيه
انت شعطاني يعني انت النواميس
هذي حقيقه ماهيب عنصريه
ربعك ظفير العز للمجد فريس
وانته موصى للمراجل وصيه
.
كلمات : #عابد_القحطاني
اداء : #عبدالله_البرازي
#الظفير #الظفيري #طفير_العز #الظفران
Доступные форматы для скачивания:
Скачать видео mp4
-
Информация по загрузке:
