Нұрым Асқанов - Құмардың термесі
Автор: Nurym Askanov
Загружено: 2023-02-03
Просмотров: 1805
Әлеумет, келдім алқаңа,
Берейін кеңес ортаңа.
Көк байрағың желбіреп,
Еркін деген мынау заманда,
Сөйлеуден ақын қорқама.
Ардақты халқым тыңдасын,
Ұрандап шапқан жүйрігін,
Жалғыз қазық ұрмаса,
Болдырмай басын тарта ма.
Біразырақ желейін,
Әлеумет, жырды өрмелеп,
Ұнаса сөзім халқыма.
Құлақтансын азамат,
Сөзімді ұғып тыңдаған,
Заманың туды бостандық,
Бірліктің туы орнаған,
Заманға туған ақынмын.
Бабында тұрған бұлбұлдай,
Қызыл да тілім сайраған.
Шығарайын өнерді,
Білгендіктен жөн болмас,
Ішке де сақтап жинаған.
.
Ардақты асыл азамат,
Көкірегің кең сарай.
Білімнің нұры қайнаған,
Заманға туған жастар ек,
Делебесі қозған жүйріктей,
Ауыздығын шайнаған.
Жасасын халқым кемеңгер,
Айқын да даңғыл жол салып.
Бірлікке елді баулаған,
Жігерлі жастар ұйымдас,
Гаухар да тастай жайнаған.
Заманға туған сұңқарлар,
Қос шалғысын қомдаған,
Қайырлы болсын халқыңа,
Жаңа да өмір, жаңа заң.
Жігерлі, асыл жастарым,
Ұмтылып алға талпынып,
Білімнің жолын қуалық,
Кең жиылған бұқара,
Ардақты асыл азамат,
Ата-баба жолымен,
Қажымас күш-қайратпен,
Сәулетті өмір құралық.
Доступные форматы для скачивания:
Скачать видео mp4
-
Информация по загрузке:
