Lauga Aso Sa 16/11/2025 - Rev. Elder Nofoagafou Onesemo | EFKAS Alofisa O Le Atua

⛪ Sunday Service — Every Sunday
📍 Location: 297–305 Old Castlereagh Rd, Castlereagh NSW 2749
⏰ Time: 10:00AM

━━━━━━━━━━━━━━━━━━━━━━━━━━━━━━━━
📖 Tusi Faitau Aso EFKAS 2025

AURO (GOLD)
1. O LE TAUA O AURO (The value of gold)

Aso Sā – Novema 16: “Na faia e le Atua le auro” (And God created gold!)
Tusi Faitau – Kenese 2:10–14
Matua – f.12: “E lelei foi auro o lea nuu; e i ai petala ma maa soama”
O le faitauga o le asō, ua aumaia ai le auro o se vaega taua tele i le vaaiga
a tagata. Atonu o lea ata faatusa mai se vaega o le foafoaga na faaiu i ai galuega foafoa o le Atua, o mea uma ua lelei ma atoatoa. Peita’i, i se vaaiga uiga loloto i le auro, e foliga mai o se faatusa e uiga i le laueleele e lausiusi ma tupu olaola. Aisea na ta’ua ai e le tusitala o Kenese le auro i lea fuaitauga?

O le auro o se u’amea taugata o loo faamatalaina foi i se vaitaimi o le Tusi Paia sa ofoina e tagata mo le teuteuina o fale ma le fausiaina o le Malumalu. O le petala o se tasi o oloa taua e pei ona faaigoaina o le pulu (resin) mai se laau. E faatusaina o se manai na saunia e le Atua i le vao e fafaga ai lona nuu o Isarael (Numera 11:7). O le maa soama o se tasi o oloa taua e felanulanua’i e faatusa i le toto na maligi o Keriso e faamamaina ai agasala pe soloiesea ai le pogisa o loto faigata ma faamalamalama e pei o se ie sinasina o le kiona. Ua faamanuiaina e le Atua le foafoaga i oa matagofie o lona lea alofa tunoa ofoofogia e aumaia ai se faaleleiga i le tagata ma le Atua foafoa.