Атырауда экологиясын реттеуге дүниежүзілік денсаулық сақтау ұйымының мамандары көмектеспек

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------
Перизат Қайратқа қатысты сот отырысы -    • Перизат Қайрат соты  
Ақтаудағы ұшақ апаты -    • Ақтаудағы ұшақ апаты  
Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  

Бүгінгі шығарылымда:
Атырауда экологиялық ахуал ушығып барады. Қаланың ауасы ластанып, тұрғындардың денсаулығына да кері әсерін тигізген. Мәселен, аймақта онкологиялық ауруға шалдыққан жандардың қатары артқан. Осы өзекті мәселені шешуге дүниежүзілік денсаулық сақтау ұйымының мамандары көмектеспек. Өңірге арнайы келген халықаралық сарапшылар зерттеу жүргізіп, ұсыныстарын ортаға салды.
Атыраулық экологтар ірі кәсіпорындарға жыл сайын тексеріс жүргізеді. Тіпті ауаға зиянды заттарды шамадан тыс шығарған компанияларға айыппұл салып жатады. Алайда тұрғындар жағымсыз иістен толық арылған жоқ. Бұл өз кезегінде халықтың денсаулығына кері әсер етуде. Қалаға арнайы келген халықаралық сарапшылар проблемамен танысып, шешу жолдарын іздеп көруге кірісті.
РОББ БАТЛЕР, ДДҰ еуропалық бюросының директоры:
Өндіріс орындарынан қоршаған ортаға келетін зиянды заттардың мөлшерін анықтап, тұрғындардың денсаулығын жақсарту үшін облыс басшылығына көмек көрсетуге әзірміз. Біз жүргізетін зерттеулердің нәтижесінде олар нақты шара қабылдай алады. Жоспар құрып, әріптестермен ақылдасамыз.
Дүниежүзілік денсаулық сақтау ұйымының делегациясы қатысқан ауқымды жиында тараптар тәжірибе алмасып, өзара ынтымақтастықты арттыруға келісті. Сондай-ақ, экология мәселесін зерттеу бойынша арнайы жол картасы әзірленетін болды.
ҚАЙСАР АБДАЛИЕВ, Атырау облыстық денсаулық сақтау басқармасының басшысы:
Біз осыдан бір жарым жыл бұрын бұл келіссөзді бастаған болатынбыз. Германия мемлекетінің Бон қаласындағы ұлттық ғылыми орталығы да осы жұмысқа кіріседі. Бүгінгі жиынның қорытындысы бойынша жаңа облыс әкімі Серік Жамбылұлы Шәпкенов тапсырғандай, нақты шаралар қабылданатын болады және бұл жұмыс әрі қарай жанданатын болады.
Жауапты басқарманың өкілдері ғылыми-әдістемелік қолдау көрсетуге дайын екендерін жеткізді. Нақтырақ айтсақ, олар шетелдік әріптестеріне қажетті деректерді беруі тиіс. Айта кетейік, Дүниежүзілік денсаулық сақтау ұйымының сараптамалық зерттеулері жоғары ғылыми дәлдігімен және жүйелілігімен ерекшеленеді.


---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық