تكلفة السفر لإيطاليا

#سفر #سياحة #اوربا #ايطاليا #تكلفه #تأشيرة #فيزا #فيزا_شنغن #شنجن
تكلفة السفر لإيطاليا

اول حاجه الفيزا وديه فيزا شنجن وتكلفتها حوالي 80 يورو وهتقدم عن طريق مكتب
VFS
و ده ليه تكلفه تانيه و الشنجن بتسمحلك تدخل حوالي 27 دوله في اوربا، عملت فيديو اتكلمت فيه عن فيزا الشنجن بالتفصيل
تاني حاجه الطيران و ميزته انه رخيص جدا مقارنه بباقي الدول الاوربيه يعني ممكن تلاقي رحله ع طيران اقتصادي بتبدأ من 47 يورو و طبعا الاسعار بتختلف حسب وقت الحجز وتقدر تعرف الاسعار حسب المواعيد من علي Skyscanner
ثالثا الاقامه و ديه سعرها متفاوت جدا حسب المدينه الي بتحجز فيها يعني ع سبيل المثال متوسط اسعار الفنادق في روما بيبدأ من 50 يورو ولازم تكون حاجز قبلها بفتره و طبعا السعر هيبقي اقل لو حاجز في هوستل
رابعا المواصلات تقدر تشتري كارت مواصلات يومي وده بيتبدي من 6 يورو لليوم و لو انت في روما انصحك تقضيها مشي لان كل ركن في روما عباره عن معلم سياحي
واخيرا الاكل وهو رخيص مقارنه بدول اوربيه كتير وممكن يكون في حدود 10:15 يورو ف اليوم وممكن اقل او اكتر لانه بيختلف من شخص للتاني
وطبعا الاسعار ديه كلها متوقفه علي وقت الحجز والوقت الي مسافر فيه يعني غالبا اوقات الصيف والكريسماس بتبقي اغلي خصوصا لو حجزت متأخر