أنا بيك سعادتي مؤكدة.. محمد أحمد عوض

نعالج القبح بالجمال
ـــــــــــــــــــــــــــــــــــــــــــــــــــ
أنا بيك سعادتي مؤكدة
ـــــــــــــــــــــــــــــــــــــــــــــــــــ
كلمات: عبد الرحمن الريح
ـــــــــــــــــــــــــــــــــــــــــــــــــــ
أنا بيك سعادتي مؤكدة وبلاك حياتي منكدة
حرام عليك ياجميل مابصح ليك تعمل كدا
*****
يا من محاسنك بي قلوب العاشقين مستفردة
خليتني أشكو من الغرام وأقول حقائق مفردة
حرام عليك يا جميل ما بصح ليك تعمل كدا
*****
وأقول حبيبي عمل عدوي خلاني للأذى والردى
ماعندي مانع حتى لو ضيعني ساكن الموردة
حرام عليك ياجميل ما بصح ليك تعمل كدا
*****
أنا بي محاسنك بفتخر وإنت المحاسن سيدا
مهما أعاين في الشباب وين زي محاسنك أوجده
حرام عليك يا جميل ما بصح ليك تعمل كدا
*****
البدر إن شافك يدوب من الأنوار الجيدة
أما الشمس لو شافتك ترجع أسيرة مقيدة
حرام عليك ياجميل مابصح ليك تعمل كدا
*****
أنا طرفي شايفك ياجميل فقت اللجين والعسجدا
يومي الأشوفك يبقى عيد والدنيا تبقى معيده
حرام عليك ياجميل ما بصح ليك تعمل كدا
*****
متى روحي من هذا العذاب تشفق عليها وتنجده
حرام عليك ياجميل ما بصح ليك تعمل كدا
يا من على حرب العشوق لحظك سيوفه مجندة
قامتك رطيبة كأنها مخلوقة من زهر الندى
حرام عليك ياجميل ما بصح ليك تعمل كدا
*****
ما الحكمة في كونك بخيل وأهلك أرابيب الندى
أصلك بتدلل علي ولا الحكاية معاندة
حرام عليك ياجميل ما بصح ليك تعمل كدا
………
إنا لله ياخ