“O‘zbekiston belgisi” ko‘krak nishoni taqdirlash marosimi

#OʻzbekistonBelgisi

🇺🇿 “O‘zbekiston belgisi” ko‘krak nishoni taqdirlash marosimi bo‘lib o‘tdi

🙋 Toshkent shahridagi “Yoshlar ijod” saroyida mamlakatimiz taraqqiyotiga munosib hissa qo‘shib kelayotgan faol, tashabbuskor va fidoyi yoshlarga “O‘zbekiston belgisi” ko‘krak nishonini topshirish marosimi tantanali ruhda tashkil etildi. Mazkur tadbir yoshlarning jamiyat hayotidagi faolligini e’tirof etish, ularning ilm-fan, ta’lim, madaniyat, san’at, sport, sog‘liqni saqlash, jurnalistika, qishloq xo‘jaligi, kichik biznes va tadbirkorlik, huquqni muhofaza qilish hamda harbiy sohalardagi yutuqlarini munosib baholashga qaratildi.

🔎 Taqdirlash marosimida davlat organlari va jamoat tashkilotlari vakillari, O‘zbekiston yoshlar ittifoqi rahbariyati, oliy ta’lim muassasalari yetakchilari, hududiy tashkilotlar faollari, “O‘zbekiston belgisi” ko‘krak nishoni sohiblari hamda ommaviy axborot vositalari vakillari ishtirok etdi.

👤 Bugungi kunga qadar ushbu nufuzli mukofot bilan 1208 nafar yosh taqdirlangani uning yuksak ahamiyatidan dalolat beradi. Bugun ham ilm-fan, ta’lim, madaniyat, san’at, sog‘liqni saqlash, jurnalistika, sport, qishloq xo‘jaligi, kichik biznes va tadbirkorlik, huquqni muhofaza qilish hamda harbiy sohalarda o‘qiyotgan, faoliyat yuritayotgan va ilmiy-ijodiy izlanishlar olib borib, yuksak natijalarga erishgan 52 nafar yosh “O‘zbekiston belgisi” ko‘krak nishoni bilan taqdirlandi. Ularning erishgan yutuqlari yoshlar orasida bilimga intilish, mehnatsevarlik, mas’uliyat va Vatanga sadoqat tuyg‘ularini mustahkamlashda muhim ahamiyat kasb etmoqda.