පංච උපාදානස්කන්ධය හෙවත් ස්කන්ධ පංචකය (පළමු කොටස)|Dahamin suwaya

පංච උපාදානස්කන්ධය (1- කොටස)

තථාගත භාග්‍යවත් ලොවිතුරා සමිමාසමිබුදු රජාණන් වහන්සේ සත්වයා , පුද්ගලයා , ආත්ම ය යන්න බැහැර කල සේක. එසේ සත්වයෙක් පුද්ගලයෙක්, ආත්මයක් කියා දෙයක් නොමැති නමි ඇත්තේ කුමක්ද? ඇත්තේ ස්කන්ධ පංච කයකි , එකී ස්කන්ධ පංචකය සංඛතය .හේතු ඵල වශයෙන් සමිබන්ධ වී ඇත්තේය .

අති දීර්ඝ කාලයක් මිනිසා , දෙවියා , තිරිසනා , නිරි සත්වයා ආදී වශයෙන් සසර ගමන් කරන්නේ මේ ස්කන්ධ පංචකයයි.එකී ස්කන්ධ පංචකය ට සත්වයා උපාදානය වී ඇති බැවින් "උපාදානස්කන්ධය " ලෙස හඳුන්වයි. තථාගත යන් වහන්සේ දේශනා කොට වදාළ අතිශයින් ගාමිභීර වු මේ පංච උපාදානස්කන්ධය පිලිබඳ දේශනය නිවන් අවබෝධ කරගන්නට කැමති සියලු සත්පුරුෂයන් මනාකොට දැන හැඳින අවබෝධය පිණිස ම කටයුතු කල යුත්තේය

"උඩහ ගෙදර කිරිනයිදෙට. කියන්නේ
ගෙයක් හැර ගෙයක් නොතනා ඉඳින්නේ
දිරන ගෙවල් උඹ කුමටද. හදන්නේ
ගෙන් ගියදා ගෙට ගිනිලති. බොලන්නේ "

තථාගත ලොවිතුරා සමිමාසමිබුදු රජාණන් වහන්සේ දේශනා කොට වදාළ ස්කන්ධ පංචකය පිළිබඳ යමක් වටහා ගැනීමට ඉහත සිවිපද කවිය උපකාරි කර ගත හැක්කේය කිරි නයිදේ නමි තෘෂ්ණාව යි" දිරන ගෙවල් " නමි ස්කන්ධ පංචකයයි .ගෙයක් හැර ගෙයක් සාදමින් සසර අති දීර්ඝ කාලයක් ගමන් කර වන්නේ තෘෂ්ණාවයි. තෘෂ්ණාව උඹ දිරන ගෙවල් හැදුවත් ගෙයින් නික්මෙන දින එකී ගෙයට ගිනි තබා විනාශ කරයි .

ගෙයට ගිනිතබා විනාශ කරන්නේ එය රඳවා තබා ගත නොහැකි බැවිනි. එය රූපස්කන්ධය යි .මරණය ට පත්වු සත්වයාගේ බාහිර රූපය කුණුවී ගඳ ගසන ස්වභාවය ඇති බැවින් වහ වහා ඉවත් කල යුත්තේය .ආදාහනය කල යුත් තේය එහෙත් වේදනා , සඥ්ඥා සංඛාර විඥාන යන ඉතිරි ස්කන්ධයන් එකතුව නව රූපයක් සහිතව නැවත සත්වයෙක් සකස් කරන්නේය

ඒ අනුව තථාගත ලොවිතුරා සමිමාසමිබුදු රජාණන් වහන්සේ දේශනා කොට වදාළ පංච උපාදානස්කන්ධය

1 රූප

2 වේදනා

3 සඥ්ඥා

4 සංඛාර

5 විඥ්ඥාණ

යනුවෙන් කොටස් පහකි.

Subscribe our You Tube Channel ÷
   / @dahaminsuwaya  

Fallow our Facebook page ÷
  / dahaminsuwaya  

Join our Facebook group ÷
https://www.facebook.com/groups/59495...

Fallow our Tik tok page ÷
tiktok.com/@dahaminsuwaya

For copyright matters please contact us ÷ [email protected]

#දහමින්සුවය #youtube #පංචඋපාදානස්කන්ධය