曾志偉撐曾寶儀紀錄片首映 同女兒男友合照感覺似一家人
Автор: TVB 娛樂新聞台
Загружено: 2025-06-14
Просмотров: 5295
曾志偉撐曾寶儀紀錄片首映 同女兒男友合照感覺似一家人
曾寶儀 同導演男友 林明謙 呢日現身香港，出席兩人合作嘅紀錄片慈善首映，爸爸曾志偉當然都有現身捧場，志偉話影相時好似影緊家庭照，因為包括監製、病人等都係親戚。
志偉話自己對呢套紀錄片感受特別深，因為包括自己嘅太太、妹妹等都係因癌症離世，而寶儀就希望藉由呢套戲，可以令癌症患者、照顧者，甚至係健康人都可以有所領悟。
寶儀今次返香港工作適逢父親節前夕，佢就話特登留港多兩日，就係為咗陪爸爸食飯慶祝父親節，志偉仲自爆只知道寶儀約食飯，完全冇留意到原來約食飯嗰日係父親節。
呢日來撐場嘅包括米雪、莊思明以及劉洋、趙浚承同黃劍文等幾位中聲唱將。劉洋呢日睇上去清減唔少，原來佢為咗減肥好努力戒口，已經瘦咗五斤，佢話因為同金凱約定咗，如果瘦得返之前嘅身形就要着比堅尼，所以要繼續努力。
寶儀工作爆滿，返香港前一日，佢先喺台灣出席旅遊節目記招，呢個以「回家」為主題嘅節目拍到第三季，請到包括影后謝盈萱等嘉賓，而節目組亦第一次出埠拍攝，佢到韓國探望喺當地打拼嘅女團I-DLE台灣成員舒華。寶儀話隻身喺異鄉打拼嘅舒華非常努力，佢仲預告舒華有教佢條女團舞。
寶儀係咪遺傳咗爸爸志偉嘅大方，完成韓國拍攝之後佢大手筆請工作團隊食韓牛，真係非常豪氣，不過佢就自爆見到賬單嗰刻，先知總共食咗幾百萬，雖然係韓圜，但數字都非常可觀。
#曾寶儀 #曾志偉 #交換禮物 #香港慈善首映 #福幼基金 #林明謙 #癌症病患 #父親節 #謝盈萱 #葉舒華 #請食韓牛 #幾百萬帳單
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0
Доступные форматы для скачивания:
Скачать видео mp4
-
Информация по загрузке:
