ჩინეთი და აშშ სავალუტო ფონდის რეფორმას მხარს დაუჭერენ

ჩინეთი და ამერიკის შეერთებული შტატები შეთანხმდნენ, რომ დააჩქარებენ და მხარს დაუჭერენ სავალუტო ფონდის რეფორმას, რომლის მიხედვითაც, ფონდის წევრ განვითარებად ქვეყნებს, ქვოტები გაეზრდებათ.

ამის შესახებ, ჩინეთის ვიცე-პრემიერმა დღეს პეკინში შტატებსა და ჩინეთს შორის, მაღალი დონის შეხვედრის დასრულების შემდეგ განაცხადა, რომლის მთავრი ფოკუსიც ბიზნესი და ეკონომიკური ურთიერთობებია. შტატები ასევე მხედველობაში მიიღებენ მათი მონეტარული პოლიტიკის გავლენას საერთაშორისო ბაზრებზე.

გარდა ამისა, მხარეები შეთანხმდნენ, რომ ამერიკის ბაზარზე ჩინური ეროვნული ვალუტის - იუანის კლირინგის ოპერაციებს, ერთი ამერიკული და ერთი ჩინური ბანკი შეასრულებენ.