Serj Sarkisyanın qorxu və şikayət dolu MƏKTUBU – APA TV

#APATV #sarkisyan #putin


Ermənistan hökuməti rəsmi saytında keçmiş Dağlıq Qarabağ münaqişəsi ilə bağlı danışıqlara dair sənədləri dərc edib.
APA-nın məlumatına görə, sənədlərin arasında Ermənistanın üçüncü prezidenti Serj Sarkisyanın 2016-cı ilin avqustunda rusiyalı həmkarı Vladimir Putinə ünvanladığı məktub da var.
Məktub Ermənistanın Qarabağ münaqişəsində mövqeyini və Prezident İlham Əliyevin timsalında rəsmi Bakının ölkənin maraqlarının müdafiəsində dayandığını açıq şəkildə ortaya qoyur. Məktubda Ermənistan rəhbərliyi açıq şəkildə Moskvanın vasitəçiliyi ilə münaqişənin məhz öz maraqlarına uyğun şəkildə həll edilməsini istəyir və bir çox məqamlar Ermənistanın danışıqlardakı manipulyativ strategiyasını üzə çıxarır. Bundan başqa məktub Azərbaycan tərəfinin haqlı mövqeyinə qarşı narazılıq tonunda səsləndirilmiş fikirlərlə doludur. Sabiq prezident Rusiya liderindən Azərbaycanı prosesdə neytrallaşdırmağı, hətta Bakıya təzyiq göstərməyi xahiş edir. Sarkisyan yazır ki, “Azərbaycan 2007-ci ildən bəri üzərində işlənən Madrid prinsiplərindən belə imtina etdi”, Onun iddiasına görə guya danışıqlar balanslı olub və Azərbaycanın mövqeyi prosesi pozub.
Sitatlardan biri isə belədir: “Ermənistan Kazan sənədinə düzəlişlər verməkdən imtina etmişdi, o şərtlə ki, Azərbaycan da eyni şəkildə addım atsın. Təəssüf ki, Azərbaycan Prezidenti Kazanda əvvəlcədən razılaşdırılmış ifadələrə 10-dan çox düzəliş təqdim etdi. Ermənistan Azərbaycanı konstruktiv olmamaqda ittiham etməyə çalışır. Halbuki həmin sənədlər Azərbaycanın suverenliyinə və ərazi bütövlüyünə zidd olduğuna görə qəbul edilə bilməzdi. Məktubda Bakı tərəfindən irəli sürülən haqlı prinsip, yəni işğal olunmuş rayonların qaytarılmasından sonra digər məsələlərin müzakirəsi İrəvanı ciddi narahat edib.
Belə ki, Ermənistan tərəfi bunu təhlükə kimi təqdim edir. Məktubda deyilir ki, “Azərbaycan tərəfinin” əvvəlcə ərazilər, sonra bütün digər məsələlər” formulu son dərəcə təhlükəlidir. Bu zaman Ermənistan və Dağlıq Qarabağın prosesin girovuna çevrilə biləcəyi iddia olunur.
Bu göstərir ki, Ermənistan işğalın mərhələli şəkildə aradan qaldırılmasından da ehtiyatlanıb: Sarkisyan Putinə yazdığı məktubda Azərbaycanı münaqişəni qızışdırmaqda ittiham edir. Bu, Ermənistanın Azərbaycanın aprel döyüşlərində qələbəsindən qorxuya düşdüyünü açıq-aşkar göstərir. “Bakı gərginliyi məqsədyönlü şəkildə artırdı və nəticədə bu ilin aprel ayında Dağlıq Qarabağa qarşı genişmiqyaslı hərbi təcavüzə gətirib çıxardı” deyə məktubda qeyd olunur.
Azərbaycan tərəfi isə həmin dövrdə dəfələrlə bildirirdi ki, gərginlik Ermənistanın təxribatları nəticəsində yaranırdı. Məktubda Sankt-Peterburq sammiti barədə də narahatlıq ifadə olunur. Sarkisyan Prezident İlham Əliyevin sammitin nəticələrinə dair bəyanatından ciddi narahat olduğunu yazır: “Bu, ya prosesin pozulmasına yönəlmiş təxribatdır, ya da gələcək üçün maksimalist mövqeni rəsmiləşdirmək cəhdidir”. Bundan başqa o da aydın olur ki, 5 rayonun qaytarılması məsələsi də Ermənistanı təşvişə salıb. Məktubda Sarkisyan açıq şəkildə bildirir ki, yalnız 5 rayonun qaytarılması onların “təhlükəsizlik zonasını” məhv edəcək. Bu, İrəvanın 30 illik işğal faktını “təhlükəsizlik” kimi qələmə vermək cəhdinin daha bir nümunəsidir. Məktubda Ermənistanın absurd tələbləri də var. Belə ki, Sarkisyan Laçın və Kəlbəcərin Azərbaycana qaytarılmamasını, Ermənistanın açıq şəkildə Dağlıq Qarabağın Azərbaycan ərazilərindəki nəzarətini qorumağı tələb edir: Bu tələblər Ermənistanın kompromisə hazır olduğunu iddia etməsinin əksini göstərir.



#apaxəbər #apatvxəbər #gundemxeberler #gününxəbərləri #sondeqiqe
✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi X səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) [email protected]