မြန်မာ့အရေး ဝင်စွက်ဖက်တယ်ဆိုပြီး တီမောနိုင်ငံကို အပြစ်တင် (ရုပ်/သံ)
Автор: The Irrawaddy News
Загружено: 2026-01-19
Просмотров: 24647
မြန်မာစစ်တပ်ရဲ့ လူ့အခွင့်အရေးချိုးဖောက်မှုတွေကို တရားစွဲဆိုခဲ့တဲ့ ချင်းလူ့အခွင့်အရေးအဖွဲ့ (CHRO) ကို တီမောလက်စ်တေသမ္မတ အပါအဝင် နိုင်ငံတာဝန်ရှိသူတွေက တရားဝင်လက်ခံ တွေ့ဆုံခဲ့တဲ့အပေါ် ရှုတ်ချတယ်လို့ စစ်ကော်မရှင်ရဲ့ နိုင်ငံခြားရေးဝန်ကြီးဌာနက ဇန်နဝါရီလ ၁၈ ရက်နေ့မှာ ထုတ်ပြန်ခဲ့ပါတယ်။
တီမောလက်စ်တေသံရုံးရဲ့ သံရုံးယာယီတာဝန်ခံကို ဇန်နဝါရီလ ၁၆ ရက်နေ့မှာ နေပြည်တော်ခေါ်ပြီး အာဆီယံပဋိညာဉ်ပါ အခြေခံမူတွေကို ချိုးဖောက်ကြောင်း၊ တခြားနိုင်ငံရဲ့ ပြည်တွင်းရေးကို စွက်ဖက်မှု အပေါ် ကန့်ကွက်ရှုတ်ချပြီး ဖြေရှင်းပေးဖို့ တောင်းဆိုခဲ့တယ်လို့လည်း ဖော်ပြထားပါတယ်။
တီမောနိုင်ငံမှာ သွားရောက်တရားစွဲဆိုရတာဟာ တီမောနိုင်ငံရဲ့ အခြေခံဥပဒေမှာ ကမ္ဘာ့ဘယ်နေရာမှာမဆို ကျူးလွန်တဲ့ လူ့အခွင့်အရေး ချိုးဖောက်မှုတွေကို ပြည်ပနိုင်ငံသားတွေအနေနဲ့ လာရောက်တရားစွဲဆိုနိုင်တယ်ဆိုတဲ့ ပြဋ္ဌာန်းချက် ရှိနေတာကြောင့် ဖြစ်တယ်လို့ CHRO က ထောက်ပြပါတယ်။
#မြန်မာ #ဧရာဝတီ #တီမောလက်စ်တေ #လူ့အခွင့်အရေးချိုးဖောက်မှု #တရားစွဲဆို #CHRO #မြန်မာစစ်တပ် #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy
Доступные форматы для скачивания:
Скачать видео mp4
-
Информация по загрузке:
