Taulant Balla me Kushtetutë me vete në “Opinion”, flet për pezullimin e Ballukut

Kreu i Grupit Parlamentar të PS, Taulant Balla i ftuar në emisionin “Opinion” në Tv Klan përballë gazetarëve iu përgjigj një sërë pyetjesh që lidhen me zhvillimet kryesore të sferës politike, si për zgjedhjen e Avokatit të Popullit, por edhe për çështjen më të “nxehtë”. Pezullimin nga detyra të zëvendëskryeministres dhe njëherësh ministres së Energjisë dhe Infrastrukturës Belinda Balluku, lidhur me hetimet për “Tunelin e Llogarasë” dhe “Unazës së Madhe”.

Me librin e Kushtetutës në dorë Balla tha se u habit kur pa për herë të parë lajmin e vendimit të GJKKO për pezullimin nga detyra të Ballukut. Ai shtoi se vendimi i gjyqtarit për këtë rast nuk ishte i duhuri. Balla sqaroi dhe të gjitha alibitë që janë ngritur sa i takon rolit të kryeministrit në ankimin e kësaj çështjeje, Balla tha se të gjitha rrugët ligjore janë ndjekur në statusin e kryeministrit dhe jo të kreut të PS.

“Edi Rama si kryeministër nuk është drejtuar si kryetar i Partisë Socialiste në Gjykatën Kushtetuese, është drejtuar si kryeministër. Unë kam përgënjeshtruar disa gënjeshtra të personit që është sot në krye të Partisë Demokratike, për disa raste ministrash që janë pezulluar nëpër Europë, por nuk kam folur për këtë çështje. Mendova që vendi i duhur më shumë për të folur për këtë është këtu. Po ua them me bindje të thellë që e kur ka dalë mendimi, kam menduar se ka qenë ndonjë lapsus, kam menduar që ka qenë lapsus i ndonjë gazetari kur kam parë vendimin, sepse nuk më ka shkuar ndërmend që mund të ketë një gjyqtar në Republikën e Shqipërisë, respekt për gjyqtarin në fjalë, por mendoj që është një lapsus, sepse i është referuar një akti ligjor që në vlerë nuk e tejkalon dot këtë librin që kam në dorë (Kushtetutën). Pra i është referuar Kodit të Procedurës Penale duke e konsideruar ministrin, nëpunësin më të thjeshtin e ministrisë, ndërkohë që ky libri këtu edhe për rastin në fjalë e ka përgjigjen.”

Gjatë fjalës së tij Taulant Balla shpjegoi se në Kushtetutë nuk parashikohet pezullimi nga detyra i një deputeti/e, e njëjta gjë vlen edhe për ministrin/en. Sipas tij në Kushtetutë është e përcaktuar vetëm emërimi dhe shkarkimi i një ministri/e.

“Gjykata Kushtetuese më vjen shumë keq që po merr kaq shumë ditë për t’u shprehur për këtë. Gjykata Kushtetuese përgjigjen e ka të qartë në Kushtetutë. Jo në rastin e ministrit, sepse në rastin e ministrit, Kushtetuta e ka barazuar me deputetin dhe deputeti nuk pezullohet dhe për pasojë as ministri nuk pezullohet. Nuk kanë qenë budallenj ata që kanë shkruar këtë libër (Kushtetutën), që kur kanë shkruar për ministrin, kanë shkruar që ministri emërohet ose shkarkohet. Pse nuk e dinin ata që ministri pezullohet?! Por nuk ka një vend në botë që ketë: emërohet, pezullohet, ose shkarkohet. Janë nisur me parimin që ministri nuk pezullohet.”
#TaulantBalla #MirelaMilori #FatosHakorja #ArtanHoxha #MentorKikia #PS #PD #AvokatiiPopullit
Ashtu sikurse javën e kaluar në emisionin “Opinion” në Tv Klan ishte përballë gazetarëve kreu i Grupit Parlamentar i PD Gazmend Bardhi, mbrëmjen e kësaj të mërkure në studio është kreu i Grupit Parlamentar të PS, Taulant Balla. Balla flet në opinion lidhur me ngjarjet e fundit të sferës politike, përfshirë edhe zgjedhjen e Avokatit të Popullit. Ndërkohë kujtojmë se PS nuk ka deklaruar se do mbështesë me firma kandidatin e propozuar dhe të votuar nga PD, por nuk ka pranuar formularin e kësaj të fundit.

Opinion nga Blendi Fevziu, emisioni politik më i ndjekur dhe më i preferuar në ekranet shqiptare. Arena e politikës shqiptare që prej 31 Gushtit 1997. Komente, analiza, debate, intervista, personazhe, dëshmi dhe fakte konkrete. Ngjarjet më të fundit dhe më të rëndësishme në jetën politike dhe sociale të vendit, me debatet, opinionet dhe analizat e të ftuarve në studio.
SUBSCRIBE to "RTV KLAN" on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Opinion #BlendiFevziu #TVKlan