عاد يوم العيد & خالد ال بريك - عيدوا بي في ربيع الفيافي والفياح 2024 حصري

لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" سنابي "

  / u511a  



دقلات المدايح

مهداه الى الشاعر ورجل الاعمال :
مشعل الشويش العصيمي


كلمات محمد الذيابي

عاد يوم العيد يامغني السحر المباح
بين سندان الغياب ، الظروف المطرقه

عيدوا بي في ربيع الفيافي والفياح
الهجوس اللي عن المجمتع فيها صقه

عايدً بالمستحيل ولا اعاين فالمُتاح
لو غيابي عن كثير المخاليق اعشقه

زل نصف الليل وانا انتظر نور الصباح
كن صدري فيه من عتمة الليل غـلقه

ي الله اطلبك الهدى والمعونه والصلاح
والطموح الي مـواكـب خيـالي حقـقـه

هاذي الدنيا تبيً عزم وجهود وكفـاح
من يسايرها على الكيف يمكن تفهقه

ماطلبت امن المواقيف والدنيا السماح
متكـل بالله ومـنـهـو تـوكـل وفـقـه

صابرً لو ان بعض الصبر سم ذحـاح
وكل باب يبني احلام عمري بطرقه

والقصيد  اللي تمناه يا ظبي البراح
ودي اسلى عنه لو ان بابه تـفـرقه

مير في مشعل بسوق الشعر والامتداح
الكريم الي خذا المدح كله من ثقه

مشعل بن شويش برقه على (والنعم) لاح
نادرً م اطيب فعوله و م اجزل منطقه

فيه دقلات المدايح على خف وجناح
الشويش اللي سجين المصايب يعتقه

والله انه اندى كفوف الرجال (بطون راح)
سمعته بالمجد واغلا الفعول معتّقه

ارجحً فعله يجمل ومجده مايزاح
فارقً على الجمايل يجي فيه شفقه

بالثقه والمرجله والمراجل والنجاح
كل يوم يروس مجد ويصوغ معلَقه

من نصاه يشوف عزه ويبشر بالفلاح
كن يمنى الهيلعي للمكارم تسبقه

عقبه عودً فعوله  كـما العد القراح
الرفيق ينومسه والمعادي يشرقه

ياذعار افعالك امجاد وامجادك سلاح
راسً امجادك بروس الرجال موثقه

ذخر الاد شـويـش حماية الوضحا الشناح
الرفيق  تجمله ….والمنـافس تـرهقـه

مامضى ، والاّ على العز في صيهد رماح
مجدهم فوق البيارق يرفرف بـيـرقه

فعلهم يجتاح الامجاد والفعل اجتياح
ماهم بحاجة مدايح وبـدع مـعلقـه

يامقطمة المحازم متيهة الطفاح
من نصانكم لو طموحه صعيب يحققه

روس قومً فالمواقيف لعتيبه سلاح
تنعرف وقفـاتهم والفعـول ( مصدقه)

خير من ركب المطايا ومن شال الرماح
كل فـارس لاتعـزوا ماتخـطي بـنـدقـه

مركي عتيبه ليا من سبر القوم صاح
ينطحون الموت كنه مزوح وتريقه

تأمن البل في جنبهم لمن الوسم طاح
من يناحيهم تلظّاه نارً تحـرقـه