ثامر الفاعوري رد على عبد الرحمن الشمري لاتردى بوبال وتجمل بشاوي

قلبي اللي لواه من الصواديف لاوي
دابلوه الدناوي وادبلوه الرتاله

عاد شرب المناوي غير شرب القهاوي
يا مصور يمينه يا مسنّب شماله

والله ان الجهل هو ساس كل البلاوي
وانت ياللي تمطّق فيك كلّ الجهالة

واشهد ان الجهل ماله طبيب مداوي
يا عبيد البلا بك واضح وله دلاله

واخر الطب كيّه وانت محتاج كاوي
ما يداويك غير انك تمس اشتعاله

وانت ربعك كرام وتكرم عن الخطاوي
مار ياعبيد اشوفك طايحٍ بالفساله

الحبال المتينة غير حبلك رخاوي
وانت رجال مسحوب الدسم والرجاله

المراجل تراها ماتجي بالمناوي
ولا تجي بالعلوم اللي تجيب الفشاله

طحت حدر العيون وطحت دون الهقاوي
والله انك بعيدٍ عن علوم الشكاله

من هو اللي عطاك الحق تصبح شناوي
من هو اللي ختم لك ختم فوق الوكاله

الجماله مهي لاهل الابل والشواوي
الجمالات عند اللي يعرف الجماله

بين حظر وبوادي كلّهم بالتساوي
كلهم الله عطاهم من سنا الطيب هاله

لاتجيب الحديث اللي بلا اسناد راوي
لاتثير الضغاين لا تبث الرزالة

قلي اليوم ويش اللي عليه انت ناوي
كنك اللي شرى له علةٍ من حلاله

تعترض للعرب واثرك من العلم خاوي
شاعرٍ ما يميّز ميمنه من شماله

كنت احَسْبك لبيب وفاهم ٍ بالفتاوي
حاضرٍ بالجواب اللي عسيرٍ سؤاله

الرسول الكريم اول حياته شواوي
والنبيين يعقوبٍ وموسى مثاله

ياعبيد انتبه كانك على الفهم قاوي
ماخبرنا مع اهل الذود وحي ورساله

وانت ياعبيد غاوي يتبعك الف غاوي
هايمن في خياله وسط وادي خياله

ياغزالٍ يهيم بكل فجٍّ خلاوي
ياغزالٍ تثنّى .. روح دور غزاله

لاتبدوى ترى مابك رسوم البداوي
ياحلا زولك المايس بليا عداله

للتواصل : ثامر الفاعوري

تيلجرام : https://t.me/T_alfa3ore
———————————-
إنستغرام :   / alfa3ore  
—————————
فيسبوك :   / alfa3ore  
———————————
سناب شات :   / alfa3ore  
———————————-
تويتر :   / alfa3ore  
——————————-
صفحة فيس بوك :   / alfa3ore.page  
————————————-
رابط دعم القناة عبر PayPal :

https://paypal.me/TamerZ
———————————

#السعودية #الامارات #الكويت #قطر #العراق #البحرين #سوريا #عمان #الاردن #دبي #الرياض #اكسبلور #جدة #saudi #اليمن #عرب #explore #السعوديه
#اكسبلور #قصايد #قصيد #شعر #بوح #قصيدة #قصيده #مشاعر #جديد #صوت #صوتيات
#فيديو #فيديو_شعر #فيديوهات_شعرية