តើកម្ពុជា និង ថៃ អាចបញ្ចប់ជម្លោះព្រំដែន បានដោយរបៀបណា How can Thailand and Cambodia stop their Border

តើកម្ពុជា និង ថៃ អាចបញ្ចប់ជម្លោះព្រំដែន បានដោយរបៀបណា How can Thailand and Cambodia stop their Border

#ខ្មែរ #កម្ពុជា #សៀម #ថៃ #ជម្លោះព្រំដែនខ្មែរសៀម #khmerthaiborderconflict

កម្ពុជាស្រឡាញ់សន្តិភាព កម្ពុជាមិនប្រើអំណាច ឬកម្លាំងទៅឈ្លានពានប្រទេសណាមួយឡើយ ទោះបីជាប្រទេសនោះតូចជាងកម្ពុជាយ៉ាងណាក៏ដោយ ពីព្រោះថាកម្ពុជា បានហែលកាត់សង្គ្រាមឆ្អែតឆ្អន់ប្រមាណ៣០ឆ្នាំ និងការរងទុក្ខវេទនាដោយសារអំពើកាប់សម្លាប់សាសន៍ឯង ដូច្នេះហើយកម្ពុជាយល់អំពីផលវិបាកដែលជាមរតកនៃសង្គ្រាម។ ជម្លោះព្រំដែនកម្ពុជា-ថៃ ឆ្នាំ២០២៥ គឺជាជម្លោះដ៏តានតឹងបំផុតមួយក្នុងរយៈពេលប៉ុន្មានឆ្នាំចុងក្រោយនេះ ដែលពេលនេះបានឈានមកដល់បទឈប់បាញ់ដ៏ផុយស្រួយមួយ ដែលធ្វើឡើងតាមរយៈការសម្របសម្រួលជាអន្តរជាតិ ក្នុងនោះ មានការផ្ដួចផ្ដើមគំនិតពីលោក ដូណាល់ ត្រាំ ប្រធានាធិបតីសហរដ្ឋអាម៉េរិក ការចូលរួមសង្កេតការដោយប្រទេសចិន និងការដឹកនាំការចរចាបទឈប់បាញ់ដោយផ្ទាល់ពីប្រធានអាស៊ានប្ដូរវេន គឺលោក អាន់វ៉ា អ៊ីប្រាហ៊ីម នាយករដ្ឋមន្ត្រម៉ាឡេស៊ី។ ភាពតានតឹងនៃជម្លោះព្រំដែនរវាងកម្ពុជា និងថៃ បានចាប់ផ្តើមនៅក្នុងខែឧសភា និងកាន់តែមានភាពខ្លាំងឡើងនៅក្នុងខែកក្កដា ឆ្នាំ២០២៥។ ការប៉ះទង្គិចគ្នាដោយអាវុធដែលបង្កដោយជម្លោះព្រំដែនកម្ពុជា-ថៃឆ្នាំ២០២៥នេះ បណ្តាលឱ្យមានអ្នកស្លាប់ និងរបួសជាច្រើននាក់ និងមានប្រជាជនរាប់សែននាក់ ត្រូវបានជម្លៀសចេញពីតំបន់ជម្លោះទៅកាន់ទីកន្លែងមានសុវត្ថិភាព។ ជម្លោះព្រំដែនកម្ពុជា-ថៃ គឺជាជម្លោះទឹកដីដែលចាក់ឫសយ៉ាងជ្រៅ និងបត់បែនតាមរលកនយោបាយផ្ទៃក្នុង នៃប្រទេសទាំងពីរ។
ជម្លោះនេះ កើតចេញពីជម្លោះព្រំដែនដែលអូសបន្លាយជាយូរយាណាស់មកហើយ លើតំបន់ក្បែរប្រាសាទព្រះវិហារ ដែលមានតាំងពីការកំណត់ព្រំដែនក្នុងសម័យអាណានិគមបារាំងមកម៉្លេះ។ កាលពីថ្ងៃទី២៨ ខែឧសភា ឆ្នាំ២០២៥ ក្រុមទាហានថៃបានបើកការបាញ់ប្រហារនៅតំបន់មុំបី ដែលជាចំណុចប្រសព្វនៃប្រទេទាំងបី គឺកម្ពុជា ឡាវ និងថៃ និង ដែលបានបណ្តាលឱ្យទាហានខ្មែរម្នាក់ស្លាប់ ហើយក៏បានបង្កើនភាពតានតឹងចាប់ពីពេលនោះមក។ នៅចុងខែមិថុនា ឆ្នាំ២០២៥ ប្រទេសទាំងពីរ បានពង្រឹងវត្តមានយោធានៅតាមព្រំដែន ដែលមានជម្លោះ ក្នុងប្រវែងប្រម៉ាណ ៨០០គីឡូម៉ែត្រ រាប់ចាប់ពីខេត្តកោះកុង ពោធិ៍សាត់ បាត់ដំបង បន្ទាយមានជ័យ ឧត្តរមានជ័យ និង ព្រះវិហារ ជាមួយនឹងរបាយការណ៍នៃការផ្លោងដាក់គ្នាទៅវិញទៅមកនូវកាំភ្លើងធំ និងការវាយប្រហារតាមអាកាសពីភាគីថៃ ដែលបង្ហាញពីការកើនឡើងនូវអរិភាពយ៉ាងតានតឹងរវាងភាគីទាំងពីរ។
ក្នុងប្រយុទ្ធគ្នាយ៉ាងក្ដៅគគុករយៈពេល៥ថ្ងៃ ពីថ្ងៃទី២៤ ដល់ ទី២៨ ខែកក្កដា ឆ្នាំ២០២៥ ភាគីទាំងពីរបានប្រើប្រាស់អាវុធយុទ្ធភណ្ឌធុនស្រាល និងធ្ងន់ស្ទើរគ្រប់ប្រភេទបាញ់ផ្លោងដាក់គ្នាទៅវិញទៅមក។ ជាពិសេស ប្រទេសថៃដែលជាអ្នកឈ្លានពាន និងចាប់ផ្ដើមបាញ់ប្រហារមកលើកម្ពុជាមុន និងជាប្រទេសមានភាពខ្លាំងខាងយោធា សព្វាវុធ និងយុទ្ធោបករណ៍ជាងកម្ពុជា បានប្រើយន្តហោះ F16 ដែលទិញពីសហរដ្ឋពាម៉េរិក យន្តហោះ Gripen jet ដែលទិញមកពីប្រទេសស៊ុយអែត យន្តហោះអត្តឃាតគ្មានមនុស្សបើក គ្រាប់បែកចង្កោម គ្រាប់បែកផ្សេងៗទៀត កាំភ្លើងត្បាល់១៥៥ មីលីម៉ែត្រ និងបាញ់ផ្សែងពុលចេញពីយន្តហោះផងដែរ។ ការវាយប្រហារយ៉ាងសាហាវរបស់យោធាថៃ បានឆ្លងដែនផុតពីទីតាំងយោធា ហើយបានរាលដាលដល់ទីតាំងស៊ីវិល ដូចជា ប្រាសាទបុរាណ វត្តអារាម សាលារៀន មណ្ឌលសុខភាព ផ្សារ ស្ពាន ផ្លូវថ្នល់ និងផ្ទះសម្បែងរបស់ជនស៊ីវិល ជាដើម ដែលបានបង្កឱ្យមានការខូចខាតយ៉ាងដំណំ។

++++++++++++++++++++++++++++++++++++++++
សេចក្តីបញ្ជាក់៖ រាល់រូបភាព ក៏ដូចជាឯកសារដែលបានស្រាវជ្រាវដើម្បីចងក្រងផលិតជាវីដេអូនេះឡើង គឺខ្ញុំបានដកស្រង់ចេញពីអ៊ីនធឺណិតមកទាំងអស់។ ម្យ៉ាងទៀត ខ្ញុំក៏មិនមែនជាអ្នកជំនាញអ្វីដែរ ខ្ញុំគ្រាន់តែស្រលាញ់ការសិក្សាស្រាវជ្រាវ និងចង់ចងក្រងនូវអ្វីដែលខ្ញុំបានដឹង ដើម្បីចែករំលែកនៅលើ Channel Youtube ដែលមានឈ្មោះថា “បណ្ណាល័យ អនឡាញន៍” របស់ខ្ញុំនេះ ប្រយោជន៏ដើម្បីជាការកំសាន្តផង ដើម្បីជាការរៀនសូត្រខ្លួនឯងផង និង អាចផ្តល់នូវចំណេះដឹងទូទៅដល់សាធារណៈជនផងតែប៉ុណ្ណោះ។ រាល់កំហុសខុសឆ្គងដោយអចេតនាណាមួយ ក៏សូមខន្តីអភ័យទោស ហើយខ្ញុំរីករាយទទួលយកនូវមតិរិះគន់ដើម្បីស្ថាបនាជានិច្ច។ សូមអរគុណ...
សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់ យើងខ្ញុំទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិម្នាក់ៗ។ សូមអ្នកទាំងអស់គ្នា ធ្វើការបញ្ចេញមតិ ប្រកបដោយការទទួលខុសត្រូវខ្ពស់ មានសីលធម៌ ក្នុងន័យស្ថាបនា ហើយចៀសវាង ការបញ្ចេញមតិទាំងឡាយណាដែលមិនពិត ជេរប្រមាថ និង អុជអាល ដែលនាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬ បុគ្គលណាម្នាក់ជាដើម...
++++++++++++++++++++++++++++++++++++++++
#រឿងរ៉ាវប្លែកៗ #បណ្ណាល័យអនឡាញន៍ #សុខភាពនិងអនាម័យ #មនុស្សល្បី #ជំនួញ #នយោបាយ #ប្រវត្តិសាស្ត្រ #សង្គម #វប្បធម៌ #ភូមិសាស្ត្រនយោបាយ #អាថ៌កំបាំង #ព័ត៌មាន #ដំណឹង #កំសាន្ត #សិល្បៈ #អក្សរសាស្ត្រ #ខ្មែរ #កម្ពុជា #shareknowledge #king #cambodia #last #emperor #lastemperor #lastcentury #change #thailand #world #2024 #ឥទ្ធិពល #អត្ថប្រយោជន៍ #Howto #traditional #india #ពិភពលោក #ប្លែកៗ #ពីនេះពីនោះ #turkey #interesting #aroundworld #tour #reserch #ស្វែងយល់ #ស្តីពី #ប្រវត្តិ #generalknowledge #ចំណេះដឹងទូទៅ #sharing #នាំឲ្យស្គាល់ #ប្រពៃណី #វប្បធម៌ #ចែករំលែក #ថ្មីៗ #News #ខ្មែរ #កម្ពុជា #khmer