顏志恒讚太太整甜品了得 張新悅畀空間愛女展廚藝

顏志恒讚太太整甜品了得 張新悅畀空間愛女展廚藝

顏志恒Benson 同 張新悅 呢日現身一個活動，《中年好聲音3》嘅賽事進行得如火如荼，身為師兄嘅Benson都話有留意賽事，仲戥一眾師弟妹緊張，但問到佢自己嘅心水選手，Benson就唔得罪人，話個個都有機會，仲讚今屆嘅選手相當勁，好多人都攞90幾分。

活動上Benson同新悅分別同小朋友一齊整蛋糕，講到整甜品，對於身為廚師嘅Benson嚟講當然冇難度啦！佢仲讚小朋友嘅天馬行空想法超乎大家嘅想像，同佢哋一齊整蛋糕好開心，仲令佢想即刻返屋企同自己兩個囝囝都玩下呀。雖然曾經係廚師，但Benson話因為工作太忙，所以自己好少會喺屋企下廚，平時多數都係外傭姐姐煮多，不過如果有時間嘅話，佢都會同家人一齊整啲簡單糕點，佢仲讚老婆整得一手好食嘅芒果糯米糍。

新悅之前都會有囡囡一齊參與呢個機構嘅活動，培育親子助人行善，雖然今次就同小小廚師拍住上，但新悅都話好enjoy，佢又指由於自己不是一位廚神，所以平時有好多空間畀佢啲囡囡去發揮一展廚藝。嚟緊復活節，新悅就話兩個囡囡會喺英國返港，到時將會一家出外旅遊呀。

#顏志恒 #張新悅 #中年好聲音 #中年好聲音3 #廚師 #廚神 #甜品 #小朋友 #心水 #英國 #旅行
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0