Æвзæрстытæм - аккаг цæстæнгас

18-æм мартъийы алкæмæ дæр æнхъæлмæ кæсынц æвзарæн хайæдты. Хъуамæ алчидæр сæххæст кæна йæ граждайнаг хæс. Уæвгæ, карджын адæм уымæ бæрнондæр цæстæй кæсынц. Цæмæй кæстæр фæлтæр дæр ахсджиаг политикон цауыл фæцалх уой, уыйтыххæй сæрмагонд ахуыртæ сарæзтой Цыколайы фæсивæдæн. Уазæгуаты Æрæфы районмæ æрцыдысты фæсивæдон æвзарæн къамисы уæнгтæ. 

Æвзарæнтæ гъомбæл адæнæн зунд гъуттаг æнцæ, алке дæр æ ихæсбæл нимаюй гъæугæ растæг авзарæндони хуæздæр имæ ка кæсуй, уобæл исгъæлæс кæнун. Фалæ кæстæртæ хатгæй ечи æгъдау закъонмæ гæсгæ куд æнхæст гæнгæй, уой зонгæ дæр нæ фæккæнунцæ. Ечи гъуттæг баевуни туххæй Фæшевæдон æвзарæн къамиси уæнгта æрцудæнцæ ирæфи райони сувæллæнттæмæ.

«Мах нахе архаюн гъæуй, уобæл, цæмæй нæ кæстæртæ зононцæ, æма сæхе куд ма еуварс кæнонцæ ауæхæн сæйраг гъуттагæй», - фæсивæдон æвзарæн къамисы уæнг Тауаситы Марат.

Фæшевæдон æвзарæн къамиси уæнгта сувæллæнттæн бакастæнцæ лекцитæ бунæттон фиццаг æма советский гъауи скъолати. Сæйрагдæр сувæллæнтти хæццæ æрдзурдтонцæ æвзарунади туххæй. Уомæй уæлдау ма скъоладзаутæн бацæттæ кодтонцæ ихæслæвæрдтæ. Раст дзууаппита фулдæр чи ахурдзаутæ равардтонцæ, уонæн искодтонцæ лæвæрдтæ.

«Ка си куд ирæзгæ цæуй, цæхуæн устур ихæстæ æхемæ райссæнæй. Æ адани астауи ахур уади арæзтади ахецæн цæхуæн ахскиагæ бунат нияхæссæнæй. Ма исониккон бонбæл дæр гъæуама алкедæр си архайя, сагъæс кæна», - Советон поселочы скъолайы директор Дзоблаты Эдуард.

Къамиси уæнгтæ ма хумæтæг æвзагæй æрдзуртонцæ закъони домæнтæбæл дæр, зин лæдæрæн дзурдтæбæл æмæ æвзарæнти алли хузи æмвæзнитæбæл. Сувæллæнттæн адтæй хъæбæр цæмæдессаг, беретæ ма си зæрдæ байвардтонцæ сæ ниййергути авзарæнтæмæ фæццæунмæ исразæнгард канун.

Сæйрагдæр æригон къамиси уæнгтæн адтæй скъоладзаути зæрдити бауадзун ечи гъуттаг, æма сæбæл æсстæс анзи ку исæнхæст уа, уæд син падзахадæ æвзаруни барæ ке ратдзадзæнæй.
_
Мы рядом в:
vk.com/irystontv
instagram.com/irystontv
Telegram: t.me/irystontv
   / irystontv  
twitter.com/irystontv