طراة العمر لا شعلل البرق & خالد ال بريك 2025
Автор: شيلات الروقي
Загружено: 2025-06-25
Просмотров: 105432
ضع لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" لمتابعة شيلات الروقي عبر السناب "
/ u511a
كلمات : طلال المحياوي
بياض القمر والبر والدله الرسلان
ونجوم السماء المتراميه يوم أسامرها
ونسايم براد الليل ومجالس الخلان
علاج الصدور اللي تزاحم خواطرها
بعيدٍ عن الضجه وعن زحمة السكان
هذي سجةٍ لي عدة أيام أدورها
من الونس والراحة ومن زود الاستكنان
تمر الطواري عابرة مانعبرها
طراة العمر لا شعلل البرق فالأمزان
وقامت سيول الارض تعلن بشايرها
ثلاثة ليالي بعدها والحياء هتان
سحابة يغسل القاع والكبد ماطرها
يابايع عطور الماركه بالمطر غلطان
شماغي ثرى الخد المسيل معطرها
تزين الديار بشوفة البدو والذيدان
على أول نبات العشب ساقت عشايرها
لاهب الهواء فوق النصي شفت بالأعيان
هنوفٍ صباح العيد فلّت ظفايرها
رفيقي ليا سجيت عنكم بعض الأحيان
معي ضيقهٍ لاغابت الشمس خابرها
تقول ان في صدري ذيابة جبل ورقان
عواها طنوب ورايح الملح ذاعرها
ماساق الضمير الحي في غيهب الأحزان
سوا الفزعه اللي مالقى من يقدرها
ضريبة نجاح المجتهد عثرة الخذلان
ونتيجة مطيحه هقوة ٍ مايكررها
يميل الزمان وروس الأبطال ماتنهان
لو الشيب الأبيض قام يرعى صوابرها
لادارت رحاة الوقت وجه الشجاع يبان
وتقفي وجيه اللي وساعٍ حناجرها
سلامي سلام الطيب والشكر والعرفان
على خوةٍ لصدوف الأيام ذاخرها
سلام الغلا ينساق لأحمد ولد سلمان
حزام ٍ حفظته للسنين ومخاطرها
شهر فعله الطيب وعزه رفيع الشان
لاعدوا هل الوقفات صيته تصدرها
على طاري الألقاب والمحزم المليان
هذا اسمه ليا جات الأسامي يكبرها
لاحدك زمانك لاتروح لقرض إمكان
عطا مدته ماهو محسب خسايرها
أماري بمدح العيهري ترثة الفرسان
لاثار الوغا والخيل دكت حوافرها
فعل سيف جده جندل القوم فالميدان
ورد الأصايل في مداهل مضمرها
حفيد المفاخر من سلايل ذوي مروان
هنا موطن شيوخ القبيلة وأكابرها
محازم جهينة كل مادارت الأكوان
مراجع تواريخ الفعول ومصادرها
على العز والنوماس ياربعي الجهنان
قبيلة تجدد كل ليله مفاخرها
مدحنا رسول الله في ماضي الأزمان
ونحتنا الفعول اللي ماتمحى ما آثرها
Доступные форматы для скачивания:
Скачать видео mp4
-
Информация по загрузке:
