Aroma e dashurisë që u gatuar ngadalë! Kristi Janku rrëfen emocionet e propozimit

Emri i saj lidhet gjithmonë me recetat, ato receta që të kujtojnë fëmijërinë, të ngrohin shtëpinë dhe i japin ditës një shije më të ëmbël. Kristi Janku e ka ndërtuar profilin dhe karrierën e saj pikërisht mbi recetat dhe kombinimet e guximshme të gatimit.

Prej vitesh Kristi ka sjellë receta që na kanë frymëzuar. Megjithëse ka studiuar për artdizajn dhe biznes, duket se kombinimin perfekt të jetës e ka gjetur në një dimension tjetër, atë të shijes.

Megjithatë në jetën e saj private një recetë duket se është gatuar tejet ngadalë, gati për një dekadë. 10 vite plot dashuri me Klevisin! Pikërisht në ditën e lindjes së saj do të shtohej një përbërës tejet i veçantë në recetën e tyre të dashurisë, propozimi.

Këtë emocion plot shije, që e mbajti larg syve të publikut për shumë kohë, Kristi Janku e rrëfen në studion e “Rudina” në Tv Klan.

Rudina Magjistari: Si ndjehesh tani? Sa kohë u bë që nga propozimi?

Kristi Janku: Unë propozimin e kam marrë për ditëlindjen time në datën 30 maj, edhe pse në atë kohë unë postova vetëm një foto në atë karoselin e madh të fotove dhe nuk e di vendosa që ta mbaja pak më private. Në këtë udhëtimin që ne ishim tani së fundmi, bëra foto spontane dhe thashë pse jo ta ndaj zyrtarisht, sepse shumë njerëz më kishin pyetur.

Rudina Magjistari: Kristi është një histori e gjatë kjo e juaja mesa di unë, keni shumë kohë që jeni bashkë. Thjesht ti je natyrë që je shumë re rezervuar. Sa vite keni me njëri-tjetrin?

Kristi Janku: Kemi 10 vite. Më 30 maj ne bënim gjithashtu 10-vjeçarin e njohjes sonë, sepse jemi njohur përgjatë ditëlindjes sime, ku jemi njohur zyrtarisht dhe data 30 maj për mua ka një simbolikë shumë të madhe, përveç ditëlindjes. Në këtë marrëdhënie kaq të gjatë dhe solide ky propozimi ishte qershia mbi tortë që festonte këtë 10-vjetor kaq të bukur tonin.

Rudina Magjistari: Pra historia e dashurisë pak nisur bukur dhe me gjëra të menduara mirë., nga njëra ditëlindje në një ditëlindje. Te njëra ditëlindje u njohët tek tjetra more propozimin. Si e kujton njohjen?

Kristi Janku: Ne jemi njohur në universitet, kemi qenë studentë. Ai ka qenë pjesë e klasës së dy mikeshave të mia, në dy degë totalisht të ndryshme. Herë pas here ne mund të rastiseshim me njëri-tjetrin, por vetëm përshëndeteshim. Në 20-vjetorin tim unë mora një festë surprizë nga mikeshat dhe motrat e mia dhe në gjithë atë festë private të gjithë njerëzit më bënin sens, vetëm Klevi nuk më bënte sens. Ishte dhe ai aty, e kishin ftuar mikeshat e mia dhe patjetër që më uroi, por me vete thoja ‘po ky ç’do këtu’.

Rudina Magjistari: Kishe shprehur ndërkohë ndonjë simpati te shoqet?

Kristi Janku: Jo fare, ne ishim në dy hemisfera totalisht të kundërta të jetës. Ai ishte në gjërat e tija, unë në të mijat. Madje dhe nuk kemi komunikuar fare gjatë ditëlindjes sime, ai në një cep, unë në një cep tjetër. Dhe rreth orëve të para të mëngjesit ka qenë si të thua komunikimi jonë i parë, zyrtarisht me njëri-tjetrin. Atë mëngjes që ne biseduam, unë isha çdo ditë me të, pa e kuptuar vetë. Nga ajo biseda atje, nisi gjithçka. Unë thjesht e kuptova që në një kohë shumë të shkurtër, ai ishte një person shumë i rëndësishëm dhe gjithçka kishte ndodhur në mënyrë shumë spontane.
Një show argëtues dhe informativ nga Rudina Magjistari, që shoqëron çdo pasdite familjet shqiptare, si programi më i ndjekur në këtë fashë orar, me të ftuar të shumtë VIP, por dhe njerëz të thjeshtë me historitë e tyre personale.

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Rudina #RudinaMagjistari #TVKlan