Thérèse Kere - Be(m)p mitin, hañv ha gouiañv (Langedig - Brelevenez)

Ganet eo Thérèse Kere er blez 1925 e Langedig ha daet eo da chom da Vrelevenez goude.

Enrollet eo bet ar ganenn-mañ Radio Bro Gwened. O zrugarekaat a raomp evit bout raet deomp an aotre d'implij an enrolladenn-mañ. Ni ' drugereka Dede ar Meut evit bout niverelet ar gasetenn/vandenn ha Maxime Crahe bout sekouret geneomp da viskriv ar c'homzoù.

Komzoù ar ganenn :

Be(m)p* mitin hañv ha gouiañv

D’ar lann get ma loened eh an, o
Hag e-pad an deiz, me ‘ gan

O ya, me ‘ gan hag a ziskan

rak àr an douar bras na bihan, o
n' en deus ur vuhez ken skañv

Ar bugul e foet a darzh

Me azezet e-tal ur garzh o
Me ' nez ar stoub hag ar c'houarc'h

Ma(n) gwerzhidad a vez nezet

E-raok dastum tout ma loened, o
Ma loened korn, ma(n) deñved

Pa gasan ma saout d’ar gêr

Int ' ev er fetan an doeur sklaer, o
Ha me ivez ha pa ‘m bez d’ober

Ha pa ‘m bez-me ‘barzh ar c’hraou

Staget ar buoc’hed doc'h ar leueioù, o
Graet dezhe boued a-vrec’hadoù

Me ‘ ra ar labour en ti

Lies ar vestrez a c’hoari, o
Me neuze, me ‘ c’hoarzha geti

Ha pa ‘m eus debret ma c’hoan

Golc’het ar skudelloù e’it ma foan, o
Skubet an ti hir ha moan

Ha kempennet ar menaj

Torchet ar glustraj, an houarnaj, o
Me ‘ ya d’ar c’hraou d’ar filaj

Goude mar vehen-me mestrez

Get Doue e c’houlennan ur c’hres*, o
Bout èl ha pa oan bugulez

*gres = gras
*Bemp = bep