Өлтіріп Қоймаса Екен!

Реклама сотрудничество +77072989335
@Samat_Kudaibergen https://instagram.com/samat_kudaiberg...
Vk https://vk.com/programs2017

Бәріңізге Ассалаумағалейкум

Қара теңіз бойына әмір жүргізіп, дүниенің үшінші бөлігін құраймыз деген Режеп Тайып Ердоғанның шынайы келбетін білесіз бе? Қазақтың елі мен жерін атажұртымыз деп, Анадолыға қоныс теуіп анамыздың жерімізде отырмыз деген Түркияның бүгінгі таңдағы мақсаты қандай? "Қазақпен жауласқан адам,  менің де жауым"  деген Тұрғыт Озалдың сөзі қаншалықты рас? Ендеше бұл сұрақтардың жауабын сізге Білген дұрыс

    2014-жылы 28-тамызда Түркия мемлекетінде 12-президент сайлауы өтті. Нәтижесінде Режеп Тайып Ердоған билікке келді. Ал, ол билік басына келмей тұрып қандай қызмет атқарғанын, жастық шағы мен осы жолға жетудегі қадамдары жайына қысқаша тоқтала кетейік. Ердоған 1954 жылы 26-ақпанда Касыспаша кварталы, Бейоғлы ауданы, Қаратеңіз жағалауында, жайықтық күзет отбасында дүниеге келген. «Миллиет» газетінің хабары бойынша, өзінің берген сұхбатында шыққан жері Ажерии (Гүржістан) екеніні айтқан. Кедей отбасында дүниеге келген Ердоғанды өмір ерте есейтті. Қалақтай кезінен бастап лимонад пен тоқаш сатып күн көріс қамына кіріскен.  Ол 1965- жылы Пиале Пашадағы бастауыш мектепті үздік бітірді. 1973-жылы Ыстамбұлдағы діни имам-хатып лицейін тәмамдап одан кейін тағы да В.Ейлеп атындағы лицейді аяқтаған.
1976 жылы Бейоғлы ауданының ұлттық құтқару партиясының төрағасы болған. Сол жылы Ыстамбұлдағы жастар бөлімінде болып, 1980-жылға дейін ыстамбұлдық транспорттық ұйымында қызмет істеген. 1980-жылы 12-қыркүйекте елде әскери қозғалыс болып, барлық саяси партияларға шектеу қойылды. Сол кезде өзі істеген ұйымының бастығы Ердоғанға мұртын алдырып тастауды бұйырады. Басшысының бұйрығына құлақ аспаған Ердоғанды жұмыстан шығарып жібереді. Әскери қозғалыстан кейін Ердоған жеке секторда менеджер қызметін атқарды. 1981- жылы Мәрмәр университетінде экономика және коммерциялық ғылым факультетін аяқтап, 1984-жылы Бейоғлы игілікті партиясының төрағасы болды.
1996-жылы партия, исламдық коалицияға қатысады. 1997-жылы әскери қозғалыстан кейін шектеу қойылып, Ердоғанның өзі ұлттық алауыздықты тұтатушы ретінде 4 айға қамауға алынды. Дәл біздің Макс Боқаевтар сияқты. 2001-жылы партиясын қайта қолға алып, 2002- жылдығы партиялық сайлауда жеңіске жетеді. Ердоғанның сотталғандығы өзінің өмірінде көп кедергі келтіреді. Өйткені премьер –министр болуға кедергі жасайды. Алайда АҚШ-тың Иракқа жасаған қыспағына қарай үкімет Ердоғанның өміріне қатысты шешім шығарады. Заңды өзгертіп, Ердоғанды үкімет басшысы етіп тағайындайды. Түркия Ирактың солтүстігінде күрттер тұратын жеріне өз әскерін енгізеді. Сонымен қатар Ердоған Түркияның Еуроодаққа мүшелік етуіне өз ықпалын да аз тигізбеді. Осылайша ұлы күреспен қатар тар жол тайғақ кешуде күн өткізіп билік басына келді.
Ердоған Түркияның 9-шы президенті Тұрғыт Озалдың саясатын құп көріп, осы жолда белін бекем буды. Ердоған билікке келгелі Түркияның Қазақстанмен сауда-саттық, экономикалық жағдайы, ішкі-сыртқы экспорттары, саяси қарым-қатынастары дами түсті.
Ол өзінің Қазақстанға келген іс-сапарында былай деп мәлімдеме жасады: "Сырдарияның бойы, Ұлытау жері,  Түркістан өлкесі біздің атажұртымыз. Қазақстан күллі түркі халқының қара шаңырағында отыр. Екі бауырлас елдің аражігі бұдан былай ажырамайды деп нық сеніммен айта аламын деді. Ердоған сыртқы саясатында қырандай қырағы болды. 2013-жылы Сириядағы терроризмді талқылау барысында Израил мен АҚШ делегацияларының аузын аштырмай тастады. Ол өзінің бір сөзінде "терракт ұйымдастырып отырған содырлардың ешқайсысы мұсылман емес, ол мынау сіздер Ақш пен Израилдың қолдан жасап отырған қуыршақтары. Егер сіздер бұл арандатушылықты тоқтатпасаңыздар,  мен өз әскерімді Сирияға кіргіземін және содырлардың қаласын күлге ораймын" деген. Бұл уәдесінде тұрақтап, әскерін кіргізді де. Ердоған ешкімге жәутеңдегісі келмеді. Тіпті Түркия аспанынан рұқсатсыз ұшқан Ресейдің әскери ұшағында сұлатып түсірді. Бұл ісі үшін Ресейден кешірім де сұраған жоқ. Біздің мемлекет басшымыз Нұрсұлтан Назарбаевтың араласуымен ғана бұл мәселе өз шешімін тапқан еді. Режеп Тайып Ердоған түркі мемлекеттерінің арақатынасын бірқалыпқа келтіргісі келді. Бір кездегі "өзбек-қырғыз, қазақ-шешен, түрік-өзбек" қақтығыстарын тынышталдыруға мұрындық болды. Ол 2014-жылдан бері Түркі дүниесі туралы көптеген реформалар жасады. Біз біріксек мынандай боламыз, анандай боламыз деп бүкіл түркі халықтарына ұран тастады. Ол Біріккен Араб Әмірліктері, Еуропа одағы сияқты үшінші түркі әлемін жасағысы келді. Айтпақшы біздің Ресей елінде елшілік қызметін атқарып жүрген Имекең, яғни Иманғали Тасмағанбетов неге биілктен шеттетілді деп ойлайсыз? Өйткені олда Ердоғанның осы реформасын қолдап қойған екен, Имекеңді орыс жеріне апарғанымен Орысшыл бола қоймады. Ол жақында ғана өткен түркі мемлекеттерінің конференциясында "біз түркілес бауырлармен бірігіп, бір одаққа кіруіміз керек" деп тілегін айтқан еді. Толығырақ Видеода...