Қазақстанда жасанды интеллекті оқытатын зерттеу университеті ашылады

Арнаға тіркел / Подпишись на канал:    / @thesevennews  

Қазақстан үш жыл ішінде толыққанды цифрлық елге айналуы керек. Бүгін Мемлекет басшысы жасанды интеллектті дамыту жөніндегі алғашқы ұлттық кеңесті өткізді. Қасым-Жомарт Тоқаев отандық технология мен мықты IT мамандар дайындау мәселесіне ден қою керектігін қадап айтты. Елімізде жасанды интеллектпен айналысатын ғалымдар мен мамандар бар. Бірақ бұл саланы жүйелі оқытатын арнайы оқу орны әлі жоқ.
ИНАРА БАРСАҚБАЕВА, ТІЛШІ:
Қазақстанда жасанды интеллект бағытында терең білім беретін жаңа зерттеу университеті ашылады. Жасанды интеллектіні дамыту жөніндегі кеңестің алғашқы отырында Президент Қасым Жомарт Тоқаев жауапты министрлікке осындай тапсырма берді. Бұл оқу орнына ерекше мәртебе берілетіні айтылды. Білім ордасының жұмысына әлемдегі жетекші университеттер серіктес ретінде тартылмақ. Бұл бастама еліміздегі ІТ саласының дамуына серпін беріп қана қоймай, ұлттық кадрларды даярлау орталығына айналуы қажет.

ЖАСЛАН МӘДИЕВ, ЖАСАНДЫ ИНТЕЛЛЕКТ ЖӘНЕ ЦИФРЛЫҚ ДАМУ МИНИСТРІ:
Мамандарды оқыту керек, қазір оқыту орталықтарында университеттерге еай бағдарламасы енгізіліп жатыр. Мектептерде де енгізіліп жатыр. Сондықтан мамандары пайда болу үшін жасанды университет керек.
Жаңа оқу орны озық ойлы жастарға жол ашатын интеллектуалды алаңға айналмақ. Қазір бүкіл жаһан елдері жасанды интеллектке ден қойып жатыр. Әлемнің алпауыттары жаңа технологияға жоғары білім ордалары арқылы жол ашып отыр. Еліміз де бұл бағытта нақты стратегиялық жоспар әзірлемек. Мемлекет басшысы жаһандық білім нарығындағы бәсекенін күшейгенін атап өтті.

ҚАСЫМ-ЖОМАРТ ТОҚАЕВ, ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:
Зерттеу университеті ғылым-білім, инновация және халықаралық байланыс орталығы ретінде жұмыс істеуі керек. Қазіргі жаһандық білім және технология нарығында бәсеке өте жоғары. Дарынды жастарымыз әлемдік деңгейдегі сапалы білімді тек шетелден емес, өз елімізден де алғаны дұрыс. Бұл – Қазақстанның болашағына тікелей әсері бар өте маңызды мәселе. Дарынды жастардың сапалы білімді шет ел асып іздемей, өз елімізде алуына барлық жағдай жасау керек.
Елімізде IT саласына мамандарды 79 жоғары оқу орны дайындайды. 63 мыңнан аса студент білім алып жатыр. Былтырдан бастап бағдарламаға «Жасанды интеллект» пәні де енгізілді. Осы бағытта ғылыми-зерттеу орталықтары құрылып, отандық ғалымдар қазақ тілінің бірегей тілдік моделін жасап шығарды. Алайда ақпараттық технологиялар ұстаздың орнын алмастыра алмайды. Сол себепті Президент ұлттық білім беру платформасын әзірлеуді тапсырды.

ҚАСЫМ, ЖОМАРТ ТОҚАЕВ, ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:
Білімнің сапасына және тәрбиелік мағынасына машина емес, адам жауапты болуға тиіс. Оқу материалының мемлекеттік стандартқа сәйкес болуын, оның ғылыми және мәдени талаптарға сай келуін мұғалім қадағалап отыруы керек. Ұстаз сапалы білімнің басты кепілі болып қала береді. Сондықтан Үкімет мемлекеттік стандартқа сәйкес сапалы контент жасауға мүмкіндік беретін ұлттық білім беру платформасын әзірлеуі қажет.

Әлем алпауыттары жасанды интеллектіні стратегиялық ресурс ретінде қарастырады. Айталық, Қытайда бұл салада арнайы мемлекеттік бағдарлама қабылданса, АҚШ әлемдік көшбасшылыққа бағытталған жеке стратегияны жүзеге асырып жатыр. Ал еліміз үшін цифрлық экономикаға нейрожелілерді енгізу басым бағыттың бірі болмақ. «Ең бастысы, жасанды интеллектел мүддесі үшін қызмет етуі керек», - деді Мемлекет басшысы.
---------------------------------------------
Официальный сайт «Седьмого канала» https://tv7.kz/ru/
Instagram:   / tv7_kz  
TikTok:   / tv7_kz  
Facebook:   / tv7kz  
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал