«Қазақтығым,Қанатты рух - әлемім». Құрал Көмек.

Бүгін ақын, Халықаралық Физули сыйлығының иегері Құрал Көмектің 65 жас мерейтойына орай «Үнсіздіктің үнін тыңдап...» атты шығармашылық кеш өтті. Кешке ақын А.Наурыз, Ә.Дүлдүл,отставкадағы полковник С.Оңбаев, полковник Т.Кенжебаев, көркем сөз оқу шебері Г.Әбуова, №51 ЖОББМ директоры Н.Шырынбеков тағы басқа зиялы қауым өкілдері, ақын сыныптастары мен Ө.Жәнібеков ат.ОҚМПУ, Ж.Тәшенов университеті, ОАИУ, ШУ филология студенттері мен Ө.Жолдасбеков ат.№9 мектеп-лицей, №51 мектеп оқушылары қатысты.
«Мен -даланың ұлымын» поэмасы композициясымен ашылған кеште студенттер мен оқушылар ақынның лирикалық, рухты жырларын жүрекке жеткізе оқыса, Ө.Жәнібеков ат.ОҚМПУ студенті А.Сапардың «Жүрегімде жүрсің сен» әні оқырмандарды бір серпілтіп тастады. Осы аталмыш оқу орнының студенті Н.Сералиев өз өлеңін оқып, кеш иесі ақынның ақ батасын алды.
«Өмірді өлеңмен оятқан ақын» Құрал Көмектің дүние қабылдау, образ түзу, сөз бен сезімді қамту ерекшілігі зор, жырларында ақиқатты, ұлттық рухты мұрат тұтады. Образ жасау табиғаты ақын талантын ашатындай,-дейді сөз алған ақынның замандастары. Сыныптас дос-жарандары ақынның балалық шақтағы қызықты естеліктерімен бөлісті.
Құрал Көмек фәни мен жалған арасындағы арпалысқан жұмбақ әлемнен көркемдік іздейтін рухты сезім ақыны,-деп кешті қорытындылаған кітапхана басшысы кеш авторына сый-сияпат көрсетіп, кеште жыр оқыған студенттер мен оқушылар грамотамен марапатталды.