Cennetde ilk dogum gunun mubarek, shehidim!

Abone OL: https://goo.gl/W99fFm

Copyright © ARB Şəki

Sayt: https://goo.gl/NfKDu5
Facebook: https://goo.gl/XVhVzG
44 günlük Vətən müharibəsində şəhid əsgər və zabitlərmiz adlarını ən yeni tarixə qızıl hərflərlə yazdırdı. Onların arasında Azərbaycan Ordusunun mayoru Natiq İsmayılov da var. Yaşasaydı, bu gün 41 yaşı tamam olacaqdı.
1980-ci ilin bu günü Qəbələnin Bunud kəndində dünyaya göz açan Natiq Vətəninə bağlı, hərbi forma geyməyə həvəsli bir gənc kimi yetişir. Hərbi xidmətə yollandıqdan sonra bir daha ordu sıralarından ayrılmır. Xidmət müddəti bitdikdən sonra isə mayor olaraq doğma kəndinə geri qayıdır. Müqəddəs savaşımızın başlaması isə sanki içində yatmış alovu oyadır. Vətən onu çağıranda düşünmədən ön cəbhəyə atılır və son nəfəsinə qədər vuruşur. 23 ildir daşıdığı hərbi formanın haqqını Vətən müharibəsində verir. Füzuli, Suqovuşan uğrunda gedən ağır döyüşlərdə tabeliyində olan əsgərlərlə birlikdə mərdliklə vuruşan mayor İsmayılov düşmənin canlı qüvvəsinin və döyüş texnikasının məhv edilməsində böyük rəşadət göstərib. Şəhidimiz haqqında qürurla danışan ailəsi deyir ki, o, hər zaman bir amal uğrunda yaşayırdı - torpaqlarımızı yağı düşməndən azad etmək və şəhidlərimizin qisasını almaq. Arzusuna da çatdı... Vətənin keşiyində dayandığı müddətdə bir çox uğurlu tapşırıqların icrasında mayor Natiq İsmayılovun da xidmətləri olub. Bunun nəticəsidir ki, xidməti müddətində 7 medalla təltif olunub. Qəhrəman şəhidimiz ölümündən sonra isə Vətən müharibəsində göstərdiyi şücaətə görə, "Vətən uğrunda" medalı və "Rəşadət" ordeni ilə təltif olunub. Bu gün doğum gününü cənnətdə qeyd edən şəhidimiz 4 övladını Vətənə əmanət qoyub. Vətənin bütövlüyü uğrunda canından keçən, ölümü ilə ölməzlik qazanan qəhrəman, sənsiz keçən doğum günün mübarək!
#ARBŞəki #şəhid #Natiqİsmayılov