د ډېورېنډ کرښې دواړه غاړې خلک هیلمن دي، نوی اوربند به نښتې پای ته ورسوي، څه روان دي؟ بي بي سي

داسې حال کې چې د افغانستان او پاکستان ترمنځ پر ډېورېنډ کرښې بندري لارې لا هم تړلې دي، ژوند د کرښې اوږدو سيمو کې ورو ورو بېرته عادي حالت ته په ستنېدو دی. پلورنځي پرانيستل شوي او خلک په سوداوو پسې وځي. تور خم کې پښتونخوا اړخ ته د راپورونو له مخې د بار او توکو سکنولو ماشينونه چې د نښتو له امله لرې لېږدول شوي، بېرته تورخم بندر ته وړل شوي دي. پېښور کې د پاکستان ګومرک يوه چارواکي ويلي، له ۱۵ سوو ډېرې لارۍ، ټرېلرونه او کانټينرونه چې درمل، خوراکي او نور بنسټيز توکي په کې بارد دی، تورخم کې د لارې په انتظار ولاړ دي. د افغانستان اړخ ته هم په مېوو او سبزيو بار لارۍ ولاړې دي. افغانستان کې د طالبانو او پاکستان ترمنځ نښتې د اوکتوبر پر ۹ مې پیل شوې، چې بيا په د دواړو ترمنځ نښتو کې پر پوځيانو سربېره ګڼو ملکیانو ته هم مرګژوبله واوښته. پرون د دواړو خواو دفاع وزيرانو دوحه کې د اوربند تړون لاسليک کړ، چې طالب وياند په خبره پر دې په کې پرېکړه شوې چې دواړه هېوادونه به يو د بل پر وړاندې له غليمانه کړو وړو لاس اخلي. د پاکستان دفاع وزير خواجه اصف هم ویلي دواړه ګاونډيان به يوه د بل د خاورې درناوی کوي.

#BBCPashto #BBCPashtoTV #BBCNarayDaWakht

Subscribe for more videos: https://www.youtube.com/c/BBCPashto?s...
Youtube:    / @bbcpashto  
Like us on Facebook:   / bbcpashto  
Follow us on Twitter:   / bbcpashto  
Instagram:   / bbcpashto