星光路上丨區永權與潘盈慧即興jam歌 談細仔曾患自閉：講出嚟唔係博同情

星光路上丨區永權與潘盈慧即興jam歌 談細仔曾患自閉：講出嚟唔係博同情

51歲 區永權 喺《萬千星輝頒獎典禮2024》首奪最佳男主持，呢日佢現身TVB娛樂新聞台節目《星光路上》，跟主播 潘盈慧 暢談自己一直堅持嘅音樂路，仲同阿盈一齊jam歌合唱《流言》大曬唱功！

區永權回想當年喺理大讀社工系，開始學結他彈民歌，認識咗佢生命中好重要嘅人就係徐繼宗，仲因夾band識林一峰，從上踏上音樂路，區永權後來毅然辭工，跟阿宗及陳鳳於1999年組成樂隊「星盒子」赴台灣發展，佢坦言阿媽係極力反對，覺得供書教學咁多，畀咗一陣家用就唔撈，區永權卻堅持夢想，出發前唔識講國語，只好識多啲當地朋友學習溝通。

區永權第一次嚟TVB係以樂隊「星盒子」隊員身份參加《萬眾同心公益金》獻唱，跟住為咗生計，無奈解散樂隊，區永權試過去青年社教結他，又去過大型廣場唱歌，區永權喺2003年因緣際遇，加入收費電視台做娛樂新聞台主持，2015年加入TVB先繼續音樂路。

區永權坦言係因黃翠如而同蕭正楠變得熟絡，有次佢去翠如屋企一齊唱歌，阿蕭有一支生鏽嘅結他，區永權笑指彈完好驚要打破傷風針；咁佢哋拍片擺上網，反應又OK，輾轉公司有啲騷又想佢哋兩個合唱，就無啦啦組成一個組合開騷！

區永權於2009年與圈外女友Clara結婚，婚後育有兩子，佢同太太Clara曾喺節目《1+1的幸福》首次講細仔患上自閉症，直言當時講出嚟唔係博同情，只係想話畀大家聽若果及早發現，呢樣嘢係有希望；區永權喺《萬千星輝頒獎典禮2024》奪得最佳男主持，佢話未來好想試吓主持音樂節目，覺得有機會同嘉賓jam歌幾好玩。

#區永權 #星光路上 #潘盈慧 #音樂路 #結他 #細仔 #自閉症 #萬眾同心公益金 #星盒子 #蕭正楠 #黃翠如 #老婆 #萬千星輝頒獎典禮2024 #最佳男主持
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0