سلاطين المعزة ⚡️ كلمات عبدالله الرميح - اداء حمد الطويل و محمد ال دلبج | ( جديد ) 2024
Автор: منصة بصمة الإبداع الإعلامية
Загружено: 2024-06-19
Просмотров: 12743
سلاطين المعزة
كلمات : عبدالله الرميح
اداء : حمد الطويل و محمد ال دلبج
كلمات العمل
يوم لاح البارق اللي بكر عرض النصوب
لامعٍ شق السحايب ويردفه ارعده
صوت وبله يوم همّل تقل همال طوب
يحيي القاع المجدب ويحيي الأفئدة
كنه ضيوفٍ لفونا وجو من كل صوب
جية الغالي تزيد الفخر وتسنده
ارحبوا باسم الشواطي عدد هب الهبوب
يا ضيوفٍ للمواجيب حله واسعده
مرحبا ترحيبةٍ تشهب النار اللهوب
ادهرتها تنطح الغيم فوق وتصعده
في محل الطيب والجود والوجه الرحوب
الثلاث اللي عليها العرب متجودة
حلةٍ فيها التراحيب صوتٍ له طنوب
والجمال منحره والدلال مقنده
الرميح وسيرة العز والنعم محسوب
من تواريخٍ قديمه وحنا نحصده
قد لبسنا عمامة الفخر والأمجاد ثوب
حن مداهيل الكرم والسعد حن مشهده
من سلايل شايبٍ و الزمن عاده شحوب
جامعٍ صيت و معزه وكلٍ يقصده
مكرم ضيفه وجاره وطرقي الدروب
الله اللي اكرمه والروابع جيدة
لا طرقت البيت علّا و ارتفاعه
بين هام الغيم والنجم السماوي
فرخ شاهينٍ جناحينه شراعه
ولا ورد يورد على المد الرهاوي
في حفل ذالليل والماجوب ذاعه
جيت اعن القاف والماقف حماوي
حفلة مساعد وانا يمنى ذراعه
العضيد اللي لفعل الطيب هاوي
طيبنا من طيب ابوي وطول باعه
ضفنا عزه كما بشتٍ حساوي
ما احتزمنا غير بزحول الجماعة
ولا عصب هاماتنا غير الهقاوي
يا سلاطين المعزه واجتماعه
ربعنا يا ال الشواط اهل العزاوي
كاسبين المدح كله عن طماعه
عودٍ ازرق فعلنا والصيت جاوي
من عيال مضيم تاريخ وشجاعه
سيرةٍ تنقل من الراوي لراوي
اقحطان اسمٍ كما هيبة سباعه
فرحة الجالي عمى عين المغاوي
وتحت حكم ملوكنا سمعًا وطاعه
الملوك اللي لهم مجدٍ سناوي
بفضل ربي في نعيم و في متاعه
في وطنا ماكر الحر النداوي
..
للتواصل والاستفسارات :
الحسابات الرسمية لـ منصة بصمة الابداع .
Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026
Official Snapchat :
/ a_thane2
Official Twitter :
/ a_thane2
Official Instagram :
/ a_thane2
ـــــــــــــــــــ
Доступные форматы для скачивания:
Скачать видео mp4
-
Информация по загрузке:
