Ի՞նչ նպատակ է հետապնդում Թրամփը՝ թիրախավորելով Կանադան, Պանաման և Գրենլանդիան

Շուտով նորընտիր նախագահ Դոնալդ Թրամփը կստանձնի նախագահի պաշտոնը: Բայց մինչ պաշտոնամուտն էլ նա չի իջնում լրատվամիջոցների էջերից` օրերս սպառնալով վերահաստատել ԱՄՆ իշխանությունը Պանամայի ջրանցքի նկատմամբ և գնել Գրենլանդիան:

Դանիայի թագի ներքո գտնվող սառցապատ, կիսաինքնավար հսկայական կղզին՝ Գրենլանդիան կրկին հայտնվել է նորընտիր նախագահ Դոնալդ Թրամփի ուշադրության կենտրոնում:

Կիրակի հայտարարելով, թե ում է պատրաստվում նշանակել Դանիայում ԱՄՆ դեսպանի պաշտոնին՝ Թրամփը ասել է, որ ազգային անվտանգության նկատառումներից ելնելով անհրաժեշտ է, որ Գրենլանդիան անցնի Ամերիկայի Միացյալ Նահանգներին:

Ավելի վաղ Թրամփը առաջարկել էր վերականգնել ԱՄՆ վերահսկողությունը Պանամայի ջրանցքի նկատմամբ, քանի որ, նրա խոսքով, սակագները, որոնք Պանաման գանձում է ծովային բեռնափոխադրման այդ կարևոր երթուղին օգտագործելու համար, «ուղղակի թալան են»:

«Եթե չհարգեն այս մեծահոգաբար իրականացված նվիրատվության ժեստը և բարոյական ու իրավական սկզբունքները, ապա կպահանջենք, որ Պանամայի ջրանցքն ամբողջությամբ, արագ և առանց [ավելորդ] խոսքի վերադարձվի Ամերիկայի Միացյալ Նահանգներին»,- հայտարարել է Թրամփը:

Արձագանքել էր Պանամայի նախագահ Խոսե Ռաուլ Մուլինոն, թե ջրանցքի յուրաքանչյուր քառակուսի մետրը կշարունակի պատկանել Պանամային՝ հերքելով, որ նավերից գանձվող գումարը շատ է։

«Մաքսատուրքերի չափերը քմահաճ ձևով չեն սահմանվել: Դրանք ձևավորվել են հրապարակային բաց լսումների արդյունքում՝ հաշվի առնելով շուկայի պայմանները, միջազգային մրցակցությունը, շահագործման ծախսերը և միջօվկիանոսային ջրուղու պահպանման և արդիականացման կարիքները»,- ասել է Պանամայի նախագահը:

Դանիայի վարչապետ Մետե Ֆրեդերիկսենը նույնպես արձագանքել է Թրամփին՝ պնդելով, որ Գրենլանդիան չի վաճառվում:

Թրամփը խոսել էր Գրենլանդիան գնելու ցանկության մասին դեռ իր առաջին նախագահության օրոք՝ 2019 թվականին, սակայն այն մնաց սոսկ խոսակցություն։

Բայց այս հայտարարությունն ավելի լուրջ ուշադրության արժանացավ Վաշինգտոնի դաշնակիցների ու գործընկերների կողմից:


«Ամերիկայի Ձայն»-ը ԱՄՆ-ի միջազգային լրատվամիջոցներից ամենախոշոր կազմակերպությունն է, որն իր լուրերն ու հաղորդումներն է հեռարձակում 45 լեզուներով իր ընթերցողներին, ռադիոլսողներին ու հեռուստադիտողներին:

«Ամերիկայի Ձայն»-ի Հայկական ծառայությունը Վաշինգտոնից եթերում է ավելի քան 70 տարի` տասնամյակներ շարունակ ծառայելով որպես լրատվության հուսալի և անկողմնակալ աղբյուր: Այն այսօր էլ շարունակում է լինել տեղեկատվության վստահելի աղբյուր` ներկայացնելով միջազգային լուրերի, Հայաստանի և տարածաշրջանի վրա ԱՄՆ-ի քաղաքականության ուղղակի ազդեցության, ամերիկահայերի, ամերիկյան մշակույթի, գիտական նորությունների և շատ այլ թեմաների շուրջ համապարփակ տեղեկատվություն:

https://www.amerikayidzayn.com/
  / amerikayidzayn  
  / amerikayidzayn  
https://t.me/Amerikayidzayn

Trump USA Panama Canada