Chorvoq suv omborida profilaktik tadbir o‘tkazildi

Transport nazorati inspeksiyasi Suv transportida nazorat bo‘limi Kemachilik registri inspektorlari tomonidan Chorvoq suv omborida kemalardan foydalanish va dam oluvchilarning xavfsizligini ta’minlash maqsadida profilaktika tadbiri o‘tkazildi. Tadbir davomida suv transporti vositalaridan foydalanayotgan fuqarolar hamda cho‘milish bilan shug‘ullanayotgan dam oluvchilar bilan xavfsizlik qoidalari bo‘yicha tushuntirish ishlari olib borildi.
Kemalarda harakatlanish qoidalari, kema haydovchilarning tegishli hujjatlarga ega bo‘lishi, kemalarning texnik holati, avariya qutqaruv vositalarining mavjudligi va ulardan foydalanish bo‘yicha ham amaliy ko‘rsatmalar berildi.