القصيدة التراثية يا حسين وهبت للعالم حياتك بصوت الرادود الملا حمزة الصغير

يـاحسين وهبت للعالم حياتك.....ومشعل التاريخ صارت تضحياتك
قـدمـت بإسم العقيده تضحيات.....قصدك نعيش بسعادة بهالحياة
وإنــت خــالــد يــاحــســيــن ويـا الـزمـن

مـن الأزل كـوكـب تـجـلـى مـن سـنـا الـثـاني مقامه
نــوّر أفــلاك الـعـوالـم مـن الـمـبـدأ لـلـقـيـامـه
وأثـر هـذا الـنـور صـار بـجـبـهـة الـمـؤمـن عـلامه
يـالـجـبـهـتـك مـنـه تـشـع .... تـبـصّر بناظر ورع
بـالـنـور وبـسـره إطـلـع.... وإقـتـدي بـنـور الإمامه
ياحسين إنصرت دين الله ورسوله....وحفظت للدين أحكامه وأصوله
تـشـهـد الأرض وسماها يا حسين.....أصبحت إنت إمام الثائرين
وإنــت خــالــد يــاحــســيــن ويـا الـزمـن

مــن بـنـى الأرض وسـمـاهـا الـبـاري بـأسـرار الإراده
تـاج صـيّـغ لـبـو الـيـمـه وجـمّـلـه بـنـور السعاده
والـقـلـم بـالـلـوح سـجـل إسـمـه بـحـروف الشهاده
وبـذكـره تـسـبـيـح الـمـلـك.... من فلك يندار الفلك
مـن لـطـف مـعـبـوده مـلـك.... نـور قـدسـية بلاده
يـاحسين ونهضتك نهضة عداله.....تضحياتك هدمت عرش الضلاله
وبـسـما الإسلام كوكب للرشاد......ومهدت درب العقيده للعباد
وإنــت خــالــد يــاحــســيــن ويـا الـزمـن

نـور ابـو الـسـجـاد كـوكـب ذهـب مـشـكاة الرساله
گبـل تـكـويـن الـعـوالـم حـاذق بـعـرش الـجـلالـه
نـور مـن عـالـم الـعـالـم شـاءت الـحـكـمـه إنـتقاله
بـسـر الإلـه يـنـتـقـل.... يـزهـر بـآفـاق الـرسـل
وتـمـركـز بـأفـق الـعـدل.... حـيـدر الـسـن العداله
يـاحـسين وبالگلب صورة ولاءك.....يالحييت الدين يجمعنا نداءك
جعلك رب الكون رحمة لهالوجود......بخدمتك ياحسين فزنا بالخلود
وإنــت خــالــد يــاحــســيــن ويـا الـزمـن

هـاجـت أفـكـاري بـعـقـيـده وجـالـت آفـاق الشعاير
وشـاهـدت هـذي الـشـعـايـر بـنـور شـمس وگمر باهر
والـشـمـس بـهـجـة حـسـيـن وگمـر هـاشم نور زاهر
والگمـر مـن ضـي الـشـمـس..... نـور الـمـعاني مقتبس
تـبـتـهـج بـأنـوار الـنـفـس .... لـلـمحب ينعم نواظر
ياحسين وإنت للإسلام جوهر......تضحيات الدين من جدك وحيدر
مـثـلـت جـدك وحـيدر بالجهاد.....مصلح لأمة محمد باعتقاد
وإنــت خــالــد يــاحــســيــن ويـا الـزمـن

لـو ردت بـرهـان مـنـي وگلـت هـالـمـعـنـى بـعيده
خــلـي مـرآة الـولايـه اگبـالـك وصـد بـعـقـيـده
وإمـسـك وعـيـن الإنـصـاف تـشـاهـد الـنـور التريده
مـن نـور أبـو الـيـمـه عـمـد .... صاعد لعد عرش الصمد
نـوره يـخـطـف عـيـن الـحـسـد..... للنكر فضله يچيده
يـاحـسين ويا الزمن إسمك تخلد.... كعبة الأحرار والأحرار تشهد
إنـت مـثـلـته لمحمد بالصفات... يالدعيت الناس للحگ والجهاد
وإنــت خــالــد يــا حــســيــن ويـا الـزمـن

صـد لـعـد نـور الـحـسـيـن بـنـاظـر مـن الحسد خالي
و?لـب مـعـجـون بـولاهـم وأرد ابـشـرك يـالـمـوالـي
هـسـا تـشـوف الـنـور طـوگ مـخـشـه ارگاب الـمعآلي
وإيـد الـعـلـيـه صـاغـتـه....بـعـقـود عـصمة رصعته
وفـاضـل الـطـيـنـه لـبـسـتـه... ولا أغـالـي ولا أبالي
ياحسين وبإسمك المعبود يتقبل عملنه.... وبالحشر ياحسين نتسلم أجرنه
والاجـل مـنـك يا روح المكرمات..... يا حمانه بالخطر والنائبات
وإنــت خــالــد يــاحــســيــن ويـا الـزمـن