اهم الاماكن في الغردقة

تقرير تفصيلي عن مدينه الغردقة.

الغردقه في خمس كلمات

معظم الناس اللي بتيجي الغردقة بتسال،يا جماعه ايه اللي ممكن يتعمل في الغردقه.
انا هاقولك كل اللي ممكن يتعمل في الغردقه وانت بقي اختار اللي يناسبك
⚡أولا الرحلات.
لذوي الاطفال وكبار السن.
*اكواريم:
فيه 3اكواريم يتناسبوا مع كل الأحوال المادية.
-جراند اكواريم (بمنطقه مجاويش)
-اكواريم الدهار(حي الدهار امام مستشفي الغردقه العام)
-اكواريم الاحياء(الشهير باكواريم حامد جوهر/الاحياء بجوار كليه التربيه)
*دولفين شو :
-دولفين شو مكادي (مدخل مدينه مكادي)
-فيه دولفين شو خلف مطار الغردقه بجوار سفاري لاند(معنديش فكره شغال حاليا او مغلق)
*mini Egypt
(مدخل مدينه مكادي،بجوار دولفين شو)

*مدينه الرمل او متحف الرمل(امام فندق صن رايز مملوك،منطقه القري، بجوار سنزو مول).
*المراكب ذات النوافذ البانوراميه(سي سكوب/ميرميد وخلافه)
*جلاس بوت.
*الغواصه سندباد.
*سهره الف ليله وليله (فندق الف ليله وليله كل يوم مساءا)
⚡رحلات بحر
*محميه
*اورانج باي
*رويال يوتوبيا
*دولفين هاوس
*بارادايز
*سوبر جفتون
*الجونه.

⚡الغطس:
نصيحه لوجه الله، لو صحتك تساعد علي الغطس يبقي سيبك من كل الهري والكلام الفاضي اللي مكتوب فوق☝ واللي لسه هيتكتب تحت👇.
الغطس ده باختصار مش مجرد رحله أنت بتستمتع بيها، ده هو المتعه ذاتها.
لو عندك مشاكل الدنيا والآخرة، مجرد انك تنزل تحت الميه هتنسي الدنيا وما فيها
-طاب لو نزلت تحت الميه والهموم ورايا ورايا ومقدرتش انسي الدنيا وما عليها ؟
يبقي انت اكيد مريض نفسي وعايز تتعالج😹🙈🙉🙊.😂😂😂.

⚡السفاري:
فيه برامج مختلفه للسفاري، اشهرهم الآتي:
*رحله شروق (ساعه ونص ركوب بيتش باجي+ركوب جمل+شيشه وشاي)
*رحله غروب(نفس برنامج رحله الشروق )
*برنامج الحفله وده ليه مسميات كتير ،علي اعتبار أن كل منفذ رحله بيسميها براحته(بدويه/سوبر سفاري/ميجا سفاري/ديسكفري ومسميات تانيه كتير،والبرنامج تقريبا واحد.
45دقيقه موتوسيكلات بيتش باجي
10دقائق سبيدر كار او باجي.
ركوب جمال
ركوب خيول
بيت زواحف
عشاء باربيكيو
حفله (رقص شرقي/تنوره شو)

ده تقريبا كل الرحلات الموجوده في الغردقة.

⚡المطاعم :
بص من الاخر كده ، مينفعش تيجي الغردقه وتمشي من غير ما تاكل في مطعم سمك !!
ممكن مثلا واحد يقولي ده احنا في الفندق الفلاني بياكلونا جمبري جمبو!!!
هاقوله سيبك بس من الكلام الفاضي ده واطلع علي ستار فيش(شارع الشيراتون) . ولو امكانياتك متسمحش يبقي الحلقه(أمام حلقه السمك بجوار مارينا الغردقه ).وهتعرف بعد كده انا ليه باقولك ان اكل السمك والجمبري في مطاعم الفنادق حتي لو خمس نجوم لا يقارن بالمتخصصين، التخصص مطلوب يا جماعه في كل حاجه😛🔥

*ماكدونالدز :
فيه 3 ماكدونالدز في الغردقة
-ماكدونالدز الشيراتون أمام فندق ريجينا .
-ماكدونالدز الممشي ، بجوار فندق سندباد ، سبلانادا مول .
-ماكدونالدز سينزو /سينزو مول.
*فول وطعميه(يبقي عليك وعلي ابو ايه ،فول ابو ايه )
لو عايز اخرج وتمشي؟
للاسف معندناش غير المارينا والممشي السياحي،ممكن بالليل تاخد العربيه وتروح الجونه..

⚡ديسكوهات:
*ليتل بودا (الممشي السياحي، بجوار فندق السندباد وسيفا جراند، هتدخل تلاقي بودا قاعد بكرشه منتظرك ورافع ايده ، في الغردقه وشرم🙋‍♂😹.
بصوا بقي هو ده كل اللي عندنا ، لو مش عاجبكم روحوا المالديف ، بيقولوا في شغل علي نضيف هناك.🤓😂😂😂

اتمني ان بوست النهارده يكون مفيد بالنسبة للناس اللي بتحب الغردقة.
اشتراك في القناه لو عجبك الفيديو

إنّ المقطع الصوتي Balzan Groove - Vadodara من Kevin MacLeod مرخَّص بموجب رخصة الإصدار 4.0 من المشاع الإبداعي مع نسب العمل إلى مؤلفه. https://creativecommons.org/licenses/...

المصدر: http://incompetech.com/music/royalty-...

الفنّان: http://incompetech.com/