«Հանրամեդիա»․ Լրագրողական էթիկայի նորմերը կիրառելու համար պետք է ինտելեկտ

Հայաստանում լրատվամիջոցների մեծ մասը լրատվամիջոցներ չեն, խոսափողներ են, և մասնագիտական էթիկայի մասին խոսք լինել չի կարող: «Հանրամեդիա» հաղորդմանն այդ մասին ասել է «Civilnet» հեռուստաընկերության լրագրող Արշալույս Մղդեսյանը։ Նրա խոսքով, լրատվության մեջ որակյալ պրոդուկտ տալը ժամանակատար է, ռեսուրսատար է, մյուս կողմից ոչ միշտ է գնահատվում, դիտում բերում:

Մեդիա նախաձեռնությունների կենտրոնի media.am կայքի խմբագիր Գեղամ Վարդանյանն էլ նշում է, թե մասնագիտական էթիկան մարդկային էթիկայից շատ չի տարբերվում: Բայց շատ դեպքերում էթիկան և հանրային շահը հակասում են իրար:

BBC Media Action–ի և Միացյալ Թագավորության արտաքին գործերի, համագործակցության և միջազգային զարգացման նախարարության ֆինանսական աջակցությամբ, Հանրային ռադիոյի եթերում հեռարձակվող «Հանրամեդիա» հաղորդմանը բանախոսները Լևոն Սարդարյանի հետ քննարկում են մեդիայի առաքելությունը, ներկայիս խնդիրները, ապագան։