Steve Jobs ​និង​ការ​បង្កើត​កុំព្យូទ័រ Macintosh (Mac)

ប្រវត្តិសាស្រ្ត​ពិភពលោក ដោយ សេង ឌីណា
ដកស្រង់ចេញពីវិទ្យាបារាំងអន្តរជាតិ RFI
នៅ​សប្តាហ៍​នេះ សេង ឌីណា សូម​​បន្ត​​រៀបរាប់​អំពី​ប្រវត្តិ​របស់​លោក​ស្ទីវ ចប (Steve Jobs) តទៅទៀត ដោយ​សូម​លើកឡើង អំពី​​ការ​បង្កើត​កុំព្យូទ័រ​ “Macintosh​” ដែល​ក្រោយ​មក​​​ត្រូវ​បាន​គេ​ហៅ​ដោយ​ខ្លីថា “Mac” ។
Macintosh ត្រូវ​បាន​គេ​ចាត់ទុក​ថា​ជា​កុំព្យូទ័រ​ផ្ទាល់ខ្លួន​លើកដំបូង​នៅ​ក្នុង​ប្រវត្តិសាស្រ្ត ដែល​ប្រើ​ប្រព័ន្ធ​ដែល​គេ​ហៅ​តាម​ភាសា​អង់គ្លេស​ថា “Graphical User Interface” ពោលគឺប្រព័ន្ធ​ដែល​អនុញ្ញាត​ឲ្យ​អ្នក​ប្រើប្រាស់​អាច​បញ្ជា​ម៉ាស៊ីន​កុំព្យូទ័រ ដោយ​ប្រើ​ “កណ្តុរ” (Mouse)។

កាលពីពេលមុននោះ គ្រប់ម៉ាស៊ីន​កុំព្យូទ័រ​ទាំងអស់​ប្រើប្រព័ន្ធបញ្ជាមួយ ដែល​គេ​ឲ្យ​ឈ្មោះ​តាម​ភាសា​អង់គ្លេស​ថា “Command-Line Interface” ដែល​អ្នក​ប្រើប្រាស់​អាច​បញ្ជា​កុំព្យូទ័រ​បានតែ​តាមរយៈ​ “ក្តារចុច” (Keyboard) ដោយ​ក្នុង​នោះ DOS (Disk Operating System) គឺ​ជា​កម្មវិធី​ដែល​​​គេ​ស្គាល់​ច្រើន​ជាងគេ​ គឺ Apple DOS សម្រាប់​កុំព្យូទ័រ​របស់​ក្រុមហ៊ុន Apple និង MS-DOS របស់​ក្រុមហ៊ុន Microsoft ដែល​ជាទូទៅប្រើ​សម្រាប់​កុំព្យូទ័រ​របស់​ក្រុមហ៊ុន IBM។
The Macintosh 128K, originally released as the Apple Macintosh, is the original Apple Macintosh personal computer. ... Upon the release of its successor, the Macintosh 512K, it was rebranded as the Macintosh 128K.This computer did not have a model number.