இரண்டு மகன்களை இழந்து தவிக்கும் தாய் இழப்பீடு வழங்க உறவினர்கள் கோரிக்கை

K. Mithesh kumar
காஞ்சிபுரம் மாவட்ட செய்தியாளர்.


காஞ்சிபுரம் கீழம்பி புறவழி சாலையில், விபத்தில் இறந்த இரு நபர்களின் உடலுடன் 500க்கும் மேற்பட்ட கீழம்பி ஊர் பொது மக்கள் உறவினர்கள் திடீர் சாலை மறியல்

நேற்று இரவு விபத்தில் தாய் கண் முன்னே இரு மகன்களும் பலியான சம்பவத்திற்கு காவல்துறையினர் நடவடிக்கை மீது நம்பிக்கை இல்லாததால் சாலை மறியல்

சாலை மறியல் காரணமாக புறவழிச் சாலையில் கடும் போக்குவரத்து பாதிப்பு,காவல்துறையினர் குவிக்கப்பட்டு பதற்றமான சூழல் நிலவி வருகிறது


-------------------------------------------------


காஞ்சிபுரம் அடுத்த கீழம்பி பகுதியில் க்ளோரி ( வயது 38 ) என்பவர் தனது கணவர் 2017 ஆம் ஆண்டு உயிரிழந்த நிலையில்,தனது இரண்டு மகன்கள் உடன் தின கூலி வேலை செய்து வருவதாக கூறப்படுகிறது.க்ளோரியின் மூத்த மகன் யுவராஜ் ( வயது 18 ) தனியார் கல்லூரியில் முதலாம் ஆண்டும், அதேபோன்று இளைய மகன் சந்தோஷ் ( வயது 16 ) பதினொன்றாம் வகுப்பும் படித்து வருகிறார்.


இந்த நிலையில் நேற்று இரவு கீழம்பி பகுதியில் வார சந்தையில் வீட்டிற்கு தேவையான காய்கறிகளை வாங்கிக்கொண்டு இருசக்கர வாகனத்தில் க்ளோரியின் மூத்த மகன் யுவராஜ்,தனது தம்பியான சந்தோஷ் மற்றும் தாய் க்ளோரியுடன் வீடு திரும்புகையில், கீழம்பியில் இருந்து செவிலிமேடு செல்லும் புறவழிச் சாலையில் நிறுத்தி வைக்கப்பட்டிருந்த லாரியின் பின்புறம் எதிர்பாராமல் மோதிய விபத்தில் இரண்டு மகன்களுக்கும் தாய் கண் முன்னே துடிதுடித்து உயிரிழந்துள்ளனர்.மேலும் இவ்விபத்தில் சிக்கிய குளோரிக்கும் காஞ்சிபுரம் அரசு தலைமை மருத்துவமனையில் சிகிச்சை பெற்று வீடு திரும்பினார்.

இச்சம்பவம் குறித்து பாலுச்செட்டி காவல்துறையினர் உயிரிழந்த இருவரது உடல்களையும் மீட்டு பிரேத பரிசோதனை செய்து குடும்பத்தாரிடம் உடலை ஒப்படைத்து, இவ்விபத்துக் குறித்து வழக்கு பதிவு செய்து விசாரணை மேற்கொண்டு வருகின்றனர்.

இந்நிலையில் காவல்துறையின் விசாரணை மீது நம்பிக்கை இல்லை எனவும்,உயிரிழந்தவர்களுக்கு உரிய நீதி வேண்டும்,அரசு உரிய இழப்பீடு வழங்கி,குடும்பத்தில் ஒருவருக்கு அரசு வேலை வழங்க வேண்டும்,உயிரிழப்புக்கு உரிய நடவடிக்கை எடுத்திட வேண்டும் எனக் கூறி சாலை விபத்தில் உயிரிழந்த இருவரின் சடலத்துடன் கீழம்பி புறச்சாலையில் விபத்தில் சிக்கி உயிர் பிழைத்த தாய் க்ளோரி மற்றும் அவரது உறவினர்களுடன் சேர்ந்து 500க்கும் மேற்பட்ட கிராம மக்கள் ஒன்று திரண்டு திடீரென சாலையில் அமர்ந்து கோஷங்களை எழுப்பி சாலை மறியல் போராட்டத்தில் ஈடுபட்டதால் அப்பகுதியில் பெரும் பரபரப்பு நிலவியது.இந்த மறியல் போராட்டம் காரணமாக புறவழிச் சாலையின் இரு புறங்களிலும் கடும் போக்குவரத்து பாதிப்பு ஏற்பட்டுள்ளது.

மேலும் இது குறித்து தகவல் அறிந்து அங்கு விரைந்த வந்த போலீசார் போராட்டாகாரர்களுடன் பேச்சு வார்த்தையில் ஈடுபட்டு வருகின்றனர்.

கடந்த ஒரு மணி நேரத்திற்கு மேலாக நடந்து வரும் இந்த மறியல் போராட்டத்தில் மாவட்ட ஆட்சியர் நேரில் வந்தால் மட்டுமே நாங்கள் கலைந்துச் செல்வோம்,குடும்பத்தாருக்கு உரிய நீதி கிடைக்கும் வரையில் நாங்கள் ஓய மாட்டோம் எனக் கூறி தொடர்ந்து கோஷங்களை எழுப்பி சாலை மறியல் போராட்டத்தில் ஈடுபட்டுள்ளனர்.

மேலும் அங்கு போலீசார் குவிக்கப்பட்டும்,பதற்றமான சூழலும் நிலவி வருகிறது.