စစ်ကောင်စီ အရှိုက်ကိုထိုးနိုင်တဲ့ မကွေးတိုင်း စစ်မျက်နှာ (ရုပ်/သံ)

စစ်ကောင်စီ အရှိုက်ကိုထိုးနိုင်တဲ့ မကွေးတိုင်း စစ်မျက်နှာ (ရုပ်/သံ)

ဧရာဝတီ၊ မတ် ၂၁၊ ၂၀၂၅

မကွေးတိုင်းစစ်ဒေသသည် မူလက အမျိုးသားညီညွတ်ရေးအစိုးရ (NUG) ၏ ကာကွယ်ရေးဝန်ကြီးဌာန (MOD) စစ်ဒေသ ၁ တွင် ပါဝင်ပြီး ကချင်လွတ်မြောက်ရေးတပ်မတော် (KIA) က စစ်ရေးကွပ်ကဲမှု ယူထားသည့်ဒေသ ဖြစ်သည်။ ယခုအခါ AA က မကွေးတိုင်းအား စစ်ရေးကွပ်ကဲမှု လွှဲပြောင်းယူမည်ဟု သတင်းများ ကြားသိရ၏။

မကွေးတိုင်းစစ်ဒေသတွင် လက်နက်ကိုင်အင်အား အများအပြားရှိရာ အဓိက သော့ချက်ပြဿနာအဖြစ် ဖြေရှင်းရမည်မှာ တစုတစည်းသော စစ်ရေးကွပ်ကဲမှု တည်ဆောက်ရေးဖြစ်၏။ ထိုပြဿနာကို ဖြေရှင်းရန် ကြိုးပမ်းလုပ်ဆောင်နေသည်ကို တွေ့ရသည်။

ယခုအခါ နွေဦးတော်လှန်ရေးစကတည်းက ပြောက်ကျားတိုက်ပွဲများ ဆင်နွှဲလာခဲ့သော မကွေးတိုင်းစစ်မျက်နှာတွင် ‌သိသာသည့် စစ်ရေးအပြောင်းအလဲကို ၂၀၂၄ ခုနှစ် နှစ်ကုန်၊ ၂၀၂၅ နှစ်ဆန်းတွင် စတင်တွေ့ရပြီး ၂၀၂၅ ခုနှစ်တွင် သိသာသည့် အပြောင်းအလဲများကို မြင်ရနိုင်သည်။ မကွေးတိုင်းတွင် ကပစ စက်ရုံ ၁၅ ရုံ ရှိသည်ဖြစ်ရာ စစ်ကောင်စီအား အရှိုက်ထိုးနိုင်သည့် အရေးကြီးသော ဒေသတခုဖြစ်ပေသည်။

#မြန်မာ #ဧရာဝတီ #မကွေးတိုင်း #စစ်မျက်နှာ #NUG #AA #KIA
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy