Dhamma Edu

"ဓမ္မပညာ" ဆိုသည်မှာ-

ဓမ္မဆိုသည်မှာ မြတ်ဗုဒ္ဓ၏ ဟောပြထားသော တရားဒေသနာများ ဖြစ်ပါသည်။ ထိုတရားများသည် ပိဋကတ်ကျမ်းစာများတွင် အထင်အရှားရှိပါသည်။ ပညာဆိုသည်မှာ ၂ မျိုးရှိသည်။ လောကီပညာ လောကုတ္တရာပညာများ ဖြစ်သည်။ လောကီပညာသည် အသက်မွေးကျောင်းအတွက် တတ်အပ်သောပညာဖြစ်သည်။ လက်ရှိဘဝအတွက် အသုံးချကြရသည့် ပညာဖြစ်ပါသည်။ လောကုတ္တရာပညာသည် နိဗ္ဗာန်ဟူသော သံသရာလွတ်မြောက်မှုအတွက် လိုက်နာကျင့်ကြံရမည့် အသိ အကျင့် ပညာတို့ဖြစ်သည်။ ထိုပညာတို့ကို သံဃာတော်အသီးသီးက မိမိတို့စွမ်းနိုင်သလောက် နေ့စဉ် ဟောပြနေကြသည်။ ထိုပညာများတွင် လောကီအတွက် လမ်းညွှန်ချက်များ ပါသည်။ လောကုတ္တရာအတွက် သိရ တတ်ရ ကျင့်ကြံရမည့် နည်းစနစ်များအပြင် ကျင့်ကြံပွားများသဖြင့် ရရှိသည့်

ဝိပဿနာ အသိပညာများ ပါသည်။ ဘဝမှ လွတ်မြောက်မှုကို လက်တွေ့ရရှိသည့် ဝိမုတ္တိရသ တရားအဆီအနှစ်ဖြစ်သော ပညာကို ရည်ရွယ်ရင်း ဖြစ်ပါသည်။ ဗုဒ္ဓဓမ္မကို လေ့လာကျင့်ကြံနေကြသည့် ဓမ္မမိတ်ဆွေများအတွက် အလွယ် နာကြားနိုင်ရန် ဟောတရားအသီးသီးကို ကောင်းနိုးရာရာကို တစ်နေရာတည်းတွင် စုစည်းထားပြီး အချိန်အခါနေရာမရွေး အလွယ်တကူ ရယူနာကြားနိုင်ရန် ဓမ္မစင်တာအဖြစ် ဖော်ညွှန်းအပ်ပါသည်။