StarTalk一氣呵成版｜麥潔文五月開騷大賣「回憶殺」 與小美識於微時曾為城城任導唱老師

StarTalk一氣呵成版｜麥潔文五月開騷大賣「回憶殺」 與小美識於微時曾為城城任導唱老師

作為唱歌老師嘅 麥潔文 不時都會技癢開騷，嚟緊5月佢就會喺文化中心舉行演唱會。Kitman亦作客《Startalk》接受 王鎮泉 專訪，分享演唱會籌備情況。80年代已活躍於樂壇嘅Kitman坦言佢呢輩歌手再開騷都唔會講突破，反而大賣「回憶殺」，同歌迷原汁原味重溫昔日嘅情懷。

Kitman亦細數標誌佢歌手生涯轉捩點嘅歌曲，包括歌唱比賽得獎歌《簾捲西風》、成為都市傳說嘅《夜夜痴纏》、以及第一首快歌《愛跳舞的少女》等。

Kitman同郭富城嘅經理人小美識於微時，少女時代不時會去小美家作客，唔知係咪成日享用小美家嘅免費大餐，所以Kitman當年親自開口推薦小美為自己嘅歌曲《愛跳舞的少女》首度填詞，之後小美亦為Kitman同丈夫江華嘅合作歌曲《痴心有幾濃》填詞。平日兩夫妻成日唱呢隻歌，Kitman都希望有機會喺騷上兩夫妻唱畀樂迷聽。

坊間傳聞Kitman係天王郭富城嘅唱歌老師，而Kitman亦解構背後嘅故事，當年因為同小美相熟，所以Kitman亦被邀請為初出道時期嘅城城任導唱，指導城城錄歌，有時仲要陪去台灣錄音，指導過城城為四五張唱片錄音。

而家Kitman嘅學生眾多，連我哋嘅主播 潘盈慧 亦係佢嘅門生，大讚阿盈聽教悟性高，大有進步。

Kitman亦分享咗依家雖然開騷機會唔算多，但係佢都好鍾意喺網上開直播唱歌止止歌癮，自由度高之餘亦可以同老公江華享受夫妻時光。講到一對子女都長大仲覓得自己嘅工作方向，兒子任職護士、女兒陳薔天出道做歌手，Kitman感到相當欣慰，仲預告演唱會度會一家人上台獻唱。

#StarTalk #麥潔文 #江華 #陳薔天 #小美閨蜜情 #郭富城導唱老師
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0