နေ့စဉ်ခွန်အား ၂၀၂၅ ခုနှစ်၊ ဒီဇင်ဘာလ ၂၄ ရက်

ကြောက်ရွံ့ခြင်းမှ ဝမ်းမြောက်ခြင်းသို့
https://myanmar-odb.org/2025/12/24/fr...

  / myanmar.odb  
  / ourdailybreadmyanmar  

ယနေ့ဖတ်ရန်ကျမ်းချက် - ရှင်လုကာခရစ်ဝင် ၂:၈-၁၄
https://odb-ministries.org/bible/mm/r...

ထင်ဟပ်ဖော်ပြချက်
ကြောက်ရွံ့ခြင်းမှ ဝမ်းမြောက်ခြင်းသို့

ရှင်လုကာခရစ်ဝင် အခန်းကြီး ၁ မှ မာရိ၏ “င့ါကို ကယ်တင်သောအရှင် ဘုရားသခင်ကို”ချီးမွမ်းခြင်းသီချင်းကို ဖတ်ရှုရသည်။ သူမကိုယ်ကိုလည်း”“မိမိကျွန်မ၏နှိမ့်ချသောအဖြစ်”(၄၈)ဟူ၍ ရည်ညွှန်းဖော်ပြကာ၊ ဘုရားသခင်သည် “ဘုရင်တို့ကို ရာဇပလ္လင်ပေါ်မှချ၍ နှိမ့်ချသောသူတို့ကို ချီးမြှောက်တော်မူ”ခြင်းကို သိမှတ်ဝန်ခံခဲ့သည်(၄၈)။ ရှင်လုကာခရစ်ဝင် အခန်းကြီး ၂ တွင် ကောင်းကင်တမန်တို့ သိုးထိန်းများထံ ယေရှုဖွားမြင်ကြောင်း သတင်းကောင်းကို ပြောကြားသည့်အခန်းတွင် နှိမ့်ကျသူများအား ဘုရားရှင် ချီးမြှောက်ခဲ့သည်(၉-၁၂)။ သိုးထိန်းများသည် သူတို့လုပ်သည့်သိုးထိန်းအလုပ်ကြောင့် အပယ်ခံဘဝဖြင့် မြို့ပြင်၌သာနေရပြီး၊ မြို့ပြအ‌‌ခြေအနေများနှင့် ကင်းကွာလျက် ထုံးတမ်းအစဥ်အလာများအရ ညစ်ညူးသောသူများဖြစ်သည်။ သူတို့အနေဖြင့် ဘာသာရေးဆိုင်ရာ ပွဲတော်များနှင့် ယဇ်ပူဇော်ခြင်းများတွင် ပါဝင်ရန်ပင် ခက်ခဲသည်။ သို့ငြားလည်း သူတို့သည် ဘက်လင်တောင်စောင်း၌ ကောင်းကင်တမန်များ၏ချီးမွမ်းသီကျူးခြင်းကို မျက်မြင်တွေ့မြင်ရသည့် သက်သေများအဖြစ် ရွေးချယ်ခံရသည်(၁၃-၁၄)။ ကောင်းကင်တမန်များက သိုးထိန်းများအပါအဝင် “လူအပေါင်းတို့သည် အလွန် ဝမ်းမြောက်ဝမ်းသာစရာ သတင်းကို”(၁၀) ကြားပြောခဲ့သည်။ ကျွန်ုပ်တို့လည်း အပါအဝင်ဖြစ်သည်။ ခရစ်တော်မွေးဖွားခြင်း၏အံ့ဖွယ်ရာများကို ခံစားဆင်နွဲနိုင်ကြပါစေ။
စာရေးသူ - တင်မ်ဂပ်စ်ထက်ဖ်ဆန်