“СОНИН” подкаст #39 “Queens beauty”-н үүсгэн байгуулагч Б.БАЯРМАА

ГОО САЙХАН ЕРТӨНЦИЙГ АВАРНА ГЭДЭГ. ҮНЭХЭЭР Ч ТИЙМ, ЯМАР Ч ЦАГ ҮЕД ХҮН БИОЛОГИЙН НАСНААСАА ҮЛ ХАМААРЧ ГОЁ, САЙХАН БАЙХЫГ ХҮСЭЖ ТЭМҮҮЛЖ ИРЖЭЭ. УРИН ДУЛААН Ч ЦАГ ИРЖ, "СОНИН" ПОДКАСТ ХЭД ХЭДЭН ДУГААРАА ГОО САЙХАН ГЭДЭГ СЭДЭВ РҮҮ ЧИГЛҮҮЛЖ БАЙНА. ЭНЭ ХҮРЭЭНД СҮҮЛИЙН 6 ЖИЛ ТАСРАЛТГҮЙ ҮЙЛ АЖИЛЛАГАА ЯВУУЛЖ БУЙ "QUEENS BEAUTY"-Н ҮҮСГЭН БАЙГУУЛАГЧ Б.БАЯРМААГ УРЬЖ, ЯРИЛЦЛАА.
ЮМ ҮЗЭЖ НҮД ТАЙЛСАН ГЭДЭГ ШИГ ХАР ХОРГҮЙ ЦАГААХАН, ГЭГЭЭХЭН ГОЁ ЭНЕРГИ ЦАЦРУУЛСАН ЭНЭ БҮСГҮЙТЭЙ ГОО САЙХАН ТЭР ДУНДААС АРЬС АРЧИЛГАА ГЭДЭГ СЭДВЭЭР ЯРИЛЦЛАА.
"СОНИН" ПОДКАСТ УРЛАГ, СОЁЛ, СПОРТ, УЛС ТӨР ЗЭРЭГ НИЙГМИЙН БҮХИЙ Л САЛБАРЫН ОЛНЫ ТАНИЛ БОЛООД АМЖИЛТ БҮТЭЭЛТЭЙ ЯВАА ЭРХМҮҮДИЙГ УРИХААС ГАДНА ТУХАЙН САЛБАРТАА ТУУШТАЙ ХӨДӨЛМӨРЛӨЖ ЯВАА ЗАЛУУСЫН ҮЗЭЛ БОДЛЫГ СОНСОХ ДУРТАЙ. ЭНЭ УДААГИЙН ЗОЧИН Б.БАЯРМАА ХЭН НЭГЭНТЭЙ ӨРСӨЛДДӨГГҮЙ, ТЭР ЯАЖ БАЙНА ЭНЭ ЯАЖ БАЙНА ГЭДЭГТ ОГТ АЧ ХОЛБОГДОЛ ӨГДӨГГҮЙ. ЗӨВХӨН ӨӨРИЙНХӨӨ ХИЙХ ЗҮЙЛИЙГ ТУЛТАЛ ХИЙГЭЭД УРАГШ ХАРААД ЯВДАГ НЬ ТҮҮНИЙ НЭГ ТОМ ДАВУУ ЧАНАР. ИНГЭЭД МАШ ҮНЭТЭЙ, БРЭНДИЙН БУДАГ НҮҮРЭНДЭЭ АСАР ЗУЗААН ТҮРХСЭНЭЭР ТАНЫ ГОО САЙХНЫГ ИЛТГЭХ ҮҮ ЭСВЭЛ АРЬС АРЧИЛГААНДАА АНХААРСАН ЦЭВЭРХЭН ТУНГАЛАГ ЭРҮҮЛ АРЬСААР ГОЁХ НЬ ГОЁ УУ ГЭДЭГТ ТҮҮНИЙ ҮЗЭЛ БОДЛЫГ СОНСЛОО. ХЭДИЙГЭЭР НҮҮРНИЙ ЯМАР БУДАГ ХУДАЛДАЖ АВАХ, НҮҮРЭЭ ЗУЗААН БУДАХ ЭСЭХ НЬ ТУХАЙН ХҮНИЙ АСУУДАЛ Ч ӨНӨӨДӨР ШИНЭ ЦАГ ЭРИНД АЗИУД ТЭР ДУНДААС СОЛОНГОСЧУУД АРЬС АРЧИЛГААНДАА ЭРЭГТЭЙ, ЭМЭГТЭЙ, ХҮҮХЭД ГЭХГҮЙГЭЭР ОНЦГОЙ АНХААРЧ БУЙГ ТОДОТГОЛОО.
ХАРИН АРЬСАА АРЧЛАХ, ЦЭВЭРЛЭХ ГЭХЭЭР ЗӨВХӨН САВАН, ХӨӨСӨН УГААГЧААР УГААГААД Л БОЛЧИХ УУ ЭСВЭЛ... ХЭРХЭН, ЯАЖ АРЬСАА ЗӨВ АРЧИЛЖ СУРАХ ВЭ? ГЭДЭГТ ТА ЭНЭ ЯРИЛЦЛАГААС ХАРИУЛТ АВАХ БОЛНО.

2025.06.14
Сэтгүүлч Г.Батхишиг