方健儀在大阪世博｜風雨下的開幕日｜入場攻略｜高達｜Pokemon Go｜

仲記唔記得「紅燒外婆肉」？你哋笑還笑呀吓！有冇人記得，其實「紅燒外婆肉」是2010年上海世界博覽會的報道，晃眼已是15年前的事。

15年後，我萬想不到自己能換個身份，跟隨FMI 至匯投資 同老闆 Amous Lee 到大阪再次參與世博，仲喺昨日(4月13日)開幕日率先入場。四個字形容：People Mountain People Sea，多人過年宵市場，而且橫風橫雨，著得件Tee恤外套嘅我，冷得我騰騰震🥶🥶🥶。但一向正面L嘅我不斷同自己講，期待咗咁耐，冇奶油俾天氣一嘢打沉，落雨之嘛！寒冷之嘛！有咩好驚呀！一於等我記者上身，為大家報道一些參觀攻略：

1. 交通：大阪世博在大阪灣新興建的人工島夢洲舉行，建議搭乘大阪Metro前往夢洲站最為穩妥。我由自己千代崎的民宿行10分鐘到九条站，坐綠色中央線，15分鐘便到達；

2. 吉祥物：大阪世博吉祥物叫「脈脈」。紅色代表細胞，藍色代表「水之都」大阪。有些人覺得怪異，但因為它是日本製造，我則覺得「脈脈」頗Kawaii，不妨同佢打張卡；

3. 標誌建築：入園區前，不妨到包圍整個世博會場的象徵建物－圓型「大屋根」打個卡，因為它是世界最大的木造建築，登上屋頂的「空中步道」，可以俯瞰整個會場；

4. 私心推介：第一位必定是「GUNDAM NEXT FUTURE PAVILION」，因為這裡有1:1實物大、17米高、首度登陸關西的「高達」。單膝跪地高舉右手的高達，好像展示一種伸向宇宙和未來的概念《Pokémon GO》的粉絲亦要留意，場內有多個立體Pokémon打卡位，聽聞在拍照點或補給站或會遇到稀有精靈。

特別鳴謝：洪先生同我一齊喺世博會場6小時，一直為我遮風擋雨，不離不棄🥹🥹🥹。

#日本 #Japan #大阪 #osaka #世博 #万博 #大阪世博 #大阪万博 #worldexpo2025 #expo2025 #方健儀 #主播 #主持